Шерхон Салимзода: дар Русия шумораи тоҷикистониёни қочоқбар кам шудааст

© Sputnik / Амир ИсаевШерхон Салимзода. Архивное фото
Шерхон Салимзода. Архивное фото - Sputnik Тоҷикистон
Обуна шудан
Ожонсии назорати маводи нашъаовари Тоҷикистон эълом доштааст, ки дар Русия ҳодисаҳои боздошти шаҳрвандони Тоҷикистон бо маводи мухаддир 36 дар сад кам шудааст

ДУШАНБЕ, 2 июл — Sputnik. Раиси Ожонсии назорати маводи нашъаовари Тоҷикистон Шерхон Салимзода хабар додааст, ки ҳалатҳои боздошти шаҳрвандони Тоҷикистон бо маводи мухаддир дар хориҷ  33 дар сад, аз ҷумла дар Русия 36 дар сад кам шудааст.

Бино бар иттилои Ожонси назорати маводи нашъаовар, соли ҷорӣ тариқи роҳи оҳани қочоқи маводи мухаддир ба қайд гирифта нашудааст, аммо тариқи ҳавопаймо як ҳолат ошкор шудааст.

Пограничный пост между Таджикистаном и Афганистаном, архивное фото - Sputnik Тоҷикистон
Марзбонони тоҷик ду афғонро бо маводи мухаддир дастгир карданд

Ин ҳам дар ҳолест, ки шумораи нашъамандон дар Тоҷикистон дар 5 соли охир 4 дар сад ва дар соли ҷорӣ 3,1 фоиз қоҳиш ёфтааст.

Инчунин ба иттилои ожонс, ҷиноятҳо ва ҳуқуқвайронкуниҳои дигари зиёде вобаста ба маводи нашъаовар ошкор ва нисбати гунаҳкорон чораандеши карда шудааст.

"Дар якуним соли охир 14 гурӯҳҳои муташаккили ҷиноятпеша ошкор ва фаъолияти онҳо қатъ карда шуд. 41 нафар аъзоёни ин гурӯҳҳои муташаккил дастгир ва ба ҷавобгарӣ кашида шуд" — таъкид кардааст манбаъ.

Лентаи хабарҳо
0