22:59 21 феврали 2019
Пахши мустақим
  • USD9.44
  • EUR10.72
  • RUB0.14
Саҳни ҳавопаймо, акс аз бойгонӣ

Додситонӣ сабаби фуруди изтирории ҳавопаймои Маскав – Хуҷандро гуфт

CC0 / Pixabay
Рӯйдодҳо
Гирифтани линки кӯтоҳ
216 0 0

Ҳавопаймои мусофирбари масири Маскав – Хуҷанд шаби гузашта дар фурудгоҳи Курумочи Самара нишасти изтирорӣ анҷом додааст

ДУШАНБЕ, 27 сен - Sputnik. Тавре расонаҳои маҳаллӣ аз қавли додситонии нақлиёти Самара иттилоъ доданд, ҳавопаймои ширкати “S7 Airlines”  шаби 27 сентябр тақрибан соати 00:50 дақиқа ба таври изтирорӣ дар Курумоч фуруд омадааст. 

Додситонии нақлиётӣ далели фуруди изтирориро хуруҷи бемории як мусофир, шаҳрванди Тоҷикистон, хондааст, ки мушкили фишори хун доштааст. Манбаъ мегӯяд, мусофир дар пайи гирифтани кӯмаки тиббӣ ва беҳбуди вазъи саломатиаш аз бистарӣ шудан дар беморхона худдорӣ кардааст ва ҳавопаймо парвозашро давом додааст.

Додситонии нақлиётии Русия изҳор доштааст, ки ҳавопаймо баъди тақрибан 1,5 соати нишасти изтирорӣ, соати 2:25 дақиқа ба самти Хуҷанд парвоз кардааст.

Барчаспҳо:
Хуҷанд, Самара, нишасти изтирорӣ, фурудгоҳ, Русия

Мавзӯъҳои асосӣ