20:16 20 марти 2019
Пахши мустақим
  • USD9.44
  • EUR10.73
  • RUB0.15
Роҳи Душанбе - Чанноқ, акс аз бойгонӣ

Садамаи маргбор: Соатов “Муссо”-ро ба ҷарии 100-метрӣ ронд, то бо “Мерседес” барнахӯрад

Официальный сайт IRS
Рӯйдодҳо
Гирифтани линки кӯтоҳ
1306 0 0

Вазорати умури дохилии Тоҷикистон аз як садамаи маргбор бо иштироки се мошин дар роҳи Душанбе-Чанноқ хабар дод, ки дар пайи ба самти муқобили роҳ баромадани “Мерседес”-и боркаш рух додааст

ДУШАНБЕ, 11 дек — Sputnik. Тибқи иттилои ВУД, ҳодиса 10-уми декабр, тахминан соати 09:45 дар ҳудуди ҷамоати деҳоти Такфони ноҳияи Айнӣ рух додааст.

Манбаъ афзуд, Бунёд Почоев, ронандаи 27-солаи  “Мерседес-Бенс Атеко”-и боркаш соли сокини ноҳияи Деваштич, дар ҳудуди ҷамоати деҳоти Такфони ноҳияи Айнӣ ба самти муқобили роҳ баромадааст.

Муҳаммадҷон Соатов, ронандаи 48-солаи “Муссо”, ки аз самти муқобил ҳаракат доштааст, барои ҷилавгирӣ аз бархӯрд бо “Мерседес”-и боркаш, ба канори рости роҳ баромада, ба ҷарии тақрибан  100-метрӣ чаппа шудааст.

“Пас аз ин “Мерседес-Бенс Атеко”, ба автомашинаи тамғаи “ВАЗ-2107” таҳти идораи ронанда, Файзуллозода Вазир Усмонҷон, соли таваллудаш 1995, сокини шаҳри Ваҳдат, бархӯрдааст”, - омадааст дар иттилоияи ВУД.

Ин ниҳод таъкид кард, ки дар паий ин садама мусофири  “Муссо”, Майиз Рузиев, сокини 52-солаи ноҳияи Айнӣ дар ҷойи ҳодиса ба ҳалокат расида, ронанда Соатов ва мусофири дигараш, Шервон Нарзуллоев, сокини 23-солаи ноҳияи Айнӣ дар беморхона бистарӣ гардидаанд.

ВУД афзуд, ки феълан аз рӯи ин ҳодиса таҳқиқот идома дорад.

Мавзӯъҳои асосӣ