20:42 20 марти 2019
Пахши мустақим
  • USD9.44
  • EUR10.73
  • RUB0.15
Аломати роҳ, акс аз бойгонӣ

Ҳалокати пиёдагарди шахсияташ номаълум дар роҳи Кӯлоб - Душанбе

© Фото : CC0 / Rico_Loeb
Рӯйдодҳо
Гирифтани линки кӯтоҳ
94 0 0

Вазорати умури дохилии Тоҷикистон иттилоъ дод, ки шоми 5-уми марти соли 2019 пиёдагарди шахсияташ номаълум зери мошин монда, ҷон дод

ДУШАНБЕ, 7 мар – Sputnik. Тибқи иттилои ВУД, ҳодиса тахминан соати 19:30 дар ҳудуди деҳаи Восеъободи ноҳияи Восеъ рух додааст.

“Рӯзи 5-уми марти соли 2019, тахминан соати 19:30-дақиқа, ронандаи автомашинаи тамғаи “ДЭУ-Сиело”, Раҳматов Акмал Холбоевич, соли таваллудаш 1978, сокини ноҳияи Восеъ, ҳангоми ҳаракат дар роҳи автомобилгарди “Восеъ-Кӯлоб-Душанбе”, дар ҳудуди деҳаи Восеъобод аз ӯҳдаи идораи воситаи нақлиёт набаромада, пиёдагард, марди шахсияташ номаълумро зер кардааст”, - омадааст дар иттилоияи ВУД.

ВУД афзудааст, ки дар натиҷа пиёдагард дар ҷои ҳодиса ба ҳалокат расидааст.

Манбаъ таъкид кардааст, ки зоҳиран пиёдагарди марҳум тахминан 45-50-сола буда, миллати маҳаллӣ мебошад.

ВУД илова намуд, ки феълан чорабиниҳо барои муайян кардани шахсияти пиёдагарди ҳалокшуда идома доранд.

Мавзӯъҳои асосӣ