20:35 21 сентябри 2019
Пахши мустақим
  • USD9.69
  • EUR10.70
  • RUB0.15
Техникаи барфтозакунии IRS зери тарма монд

Нохушӣ ҳангоми тармарӯбӣ дар роҳи Душанбе - Чаноқ

дафтари матбуоти IRS
Рӯйдодҳо
Гирифтани линки кӯтоҳ
272 0 0

Ширкати IRS мегӯяд, имрӯз ҳангоми бартараф намудани тарма дар километри 159-ум роҳи Душанбе – Чаноқ боркунаки фронталии ширкат зери тарма монд

ДУШАНБЕ, 28 мар - Sputnik. Тибқи иттилои IRS, дар натиҷаи ин ҳодисаи нохуш ба ронанда осеб нарасид ва техника низ аз банди тарма раҳо карда шуд.

Ширкати IRS афзуд, ки монеаҳои мавҷуда дар роҳи Душанбе – Чаноқ бартараф ва ҳаракати тамоми намуди воситаҳои нақлиёт имконпазир гардид.

Субҳи имрӯз ширкати мазкур ба далели тармафароӣ аз роҳбандӣ дар масири Душанбе – Чаноқ хабар дода буд.

“Субҳи имрӯз дар километрҳои 71, 89, 157 ва 159-уми роҳи автомобилгарди Душанбе-Чаноқ тарма фаромад. Айни замон тармаҳо бартараф шуда, бинобар зиёд будани хавфи тармафароӣ ҳаракати тамоми намуди воситаҳои нақлиёт муваққатан боздошта шуд”, - эълон карда буд IRS.

Ширкат таъкид мекунад, ки ҳадафи роҳбандиҳо таъмини бехатарӣ мебошад.

Ин дар ҳолест, ки ахиран зимни баҳси қисматҳои осебпазири роҳи Душанбе – Чаноқ аз офатҳои табиӣ таъкид шуд, ки дар ин роҳ 24 долони зиддитармавӣ сохта шуда, барои таъмини бехатарии ҳаракат дар он бунёди 55 долони зиддитармавии дигар зарур мебошад.

Мавзӯъҳои асосӣ