Шаш подабон дар роҳи селоб мондаанд: офати маргбор дар ноҳияи Файзобод

© Фото / Улан МаккамбаевСелевой поток
Селевой поток - Sputnik Тоҷикистон
Обуна шудан
Субҳи имрӯз дар ноҳияи Файзобод гуруҳи тақрибан шашнафарии подабонҳоро селоб бурдааст, ки дар натиҷа ду нафари онҳо ба ҳалокат расидаанд

ДУШАНБЕ, 24 апр - Sputnik. Тавре сокинони деҳаи Сайдонии ноҳияи Файзобод хабар доданд, аз ин гуруҳ 2 нафар ба ҳалокат расида, боқимонда наҷот ёфтаанд.

Последствия схода селевого потока  - Sputnik Тоҷикистон
Обуҳавошиносон аз эҳтимоли сел ва боридани борони шадид дар Тоҷикистон ҳушдор доданд

“Онҳо хостаанд, чорвои худро аз дара гузаронанд, ки сел якбора меояд ва онҳоро мебарад”, - изҳор дошт мусоҳиби Sputnik аз ноҳияи Файзобод.

Манбаъ аз қурбониҳои сел Саид Бекзода, сокини миёнасол ва Саидҷаъфари наврас, хонандаи синфи 7-и мактаби миёна ном бурд. Ӯ афзуд, ки Саид талош кардааст, Саидҷаъфари наврасро аз селоб берун орад, аммо ҳардуяшон дар селоб дармондаанд.

“Феълан ҷасади Саид Бекзода пайдо карда шуда, кофтукоби ҷасади Саидҷаъфари наврас ҳанӯз идома дорад”, - иттилоъ дод мусоҳиб.

Мақомоти ҳолатҳои фавқулоддаи Тоҷикистон феълан дар бораи ин офати маргбор иттилое надодаанд. 

 

Лентаи хабарҳо
0