Бархӯрди мошин ба пояи бетонӣ 2 кушта ва 2 маҷруҳ барҷой гузошт

© PixabayДТП, архивное фото
ДТП, архивное фото - Sputnik Тоҷикистон
Обуна шудан
Вазорати умури дохилии Тоҷикистон аз садамаи маргбор дар роҳи Бӯстон-Чанноқ- Хуҷанд хабар дод, ки 2 кушта ва 2 маҷруҳ барҷой гузоштааст

ДУШАНБЕ, 8 июл — Sputnik. Тибқи иттилои ВУД, ҳодиса 6-уми июли соли равон тахминан соати 04:30 дақиқа рух додаст.

Девушка на трассе - Sputnik Тоҷикистон
Ахирон шоме, ки Фирӯза аз кор мерафт..: садама боиси марги духтари ҷавон шуд

“Ронандаи автомашинаи тамғаи “ДЭУ-Сиело”, Тоиров Аслиддин Анварҷонович, соли таваллудаш 1977, сокини шаҳри Конибодом, ҳангоми ҳаракат бо роҳи нақлиётгарди “Бӯстон-Чаннок-Хуҷанд”, дар ҳудуди ҷамоати деҳоти Мизрободи ноҳияи Бобоҷон Ғафуров, аз уҳдаи идораи воситаи нақлиёт набаромада, ба симчӯби бетонии канори рости роҳ бархӯрдааст”, - омадааст дар иттилоия. 

Манбаъ афзуд, ки дар натиҷаи бархӯрд худи ронанда ва як мусофир – Абдуллоев Аҳмадҷон Додоҷонович, соли таваллудаш 1997, сокини шаҳри Истаравшан, ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расиданд.

“Мусофирони дигар, Мамадқулов Зафар Равшанович, соли таваллудаш 1994, сокини шаҳри Конибодом ва Махкамов Анвар Шамсибоевич, соли таваллудаш 1974, сокини шаҳри Хуҷанд, ҷароҳатҳои гуногуни ҷисмонӣ бардошта, дар беморхона бистарӣ гаштаанд”, - илова намуд ВУД.

Мақомоти умури дохилӣ таъкид намуданд, ки феълан аз рӯи ин ҳодиса тафтишот идома дорад.

Лентаи хабарҳо
0