Садамаи пурқурбонӣ: “Хундай-голопер” бо мусофиронаш ба Панҷ чаппа шуд

© Sputnik / Амир Исаев / Гузариш ба медиабонкДорога в скалистой местности Таджикистана, архивное фото
Дорога в скалистой местности Таджикистана, архивное фото - Sputnik Тоҷикистон
Обуна шудан
Вазорати умури дохилии Тоҷикистон аз садамаи пурқурбонӣ дар ноҳияи Ишкошими Вилояти Мухтори Куҳистони Бадахшон хабар дод, ки 4 кушта барҷой гузошт

ДУШАНБЕ, 22 июл — Sputnik. Тибқи иттилои ВУД, ҳодиса 20-уми июли соли 2019, тахминан соати 12:30-дақиқа рух додааст.

Ҳалокати кӯдак дар пайи садама дар Ховалинг - Sputnik Тоҷикистон
Ноболиғи 13- сола дар Душанбе ду пиёдагардро аз пой афтонд

Манбаъ тавзеҳ дод, ки ронандаи автомашинаи тамғаи “Хундай-Голопер”, Маликмамадов Нозим Айдармамадович, соли таваллудаш 1991, сокини деҳаи Ямгии ноҳияи Ишкошим ҳангоми ҳаракат дар роҳи Ишкошим-Лангар-Тускул, дар ҳудуди деҳаи Вранг ва Нижгар аз уҳдаи идора набаромада, автомашинаро ба дарёи Панҷ чаппа намудааст. 

Ба иттилои ВУД, дар натиҷа 4 мусофири автомашина - Савлатов Гулмамад, соли таваллудаш 1954, Савлатов Санавбар Гулмамадович, соли таваллудаш 1982, Саидбекова Гулбоғ Музафарбековна, соли таваллудаш 1960 ва Савлатов Абдулмамад Давлатович, соли таваллудаш 1960, сокинони деҳаи Ямгӣ ҷароҳатҳои вазнини ҷисмонӣ бардошта, дар беморхонаи деҳаи Вранг ба ҳалокат расидаанд.

ВУД афзуд, ки мусофири дигар, шаҳрванд Солиев Аловат Давлатович, соли таваллудаш 1974, сокини деҳаи Ямгӣ, дар ҳолати вазнин дар беморхонаи деҳаи Вранг бистарӣ мебошад. Ронанда дар ин садама ҷароҳат набардоштааст.

Ба иттилои мақомоти умури дохилӣ феълан таҳқиқи ин ҳодиса идома дорад.

Лентаи хабарҳо
0