22:33 23 августи 2019
Пахши мустақим
  • USD9.68
  • EUR10.72
  • RUB0.15
Дарёи Душанбе, акс аз бойгонӣ

Тойота таҳти идораи Авазови ноболиғ бо суръати 140 км/соат ба дарёи Душанбе "парид"-видео

© Sputnik Амир Исаев
Рӯйдодҳо
Гирифтани линки кӯтоҳ
1103 0 0

Вазорати умури дохилии Тоҷикистон иттилоъ дод, ки мошини “Тойота корола” шабона таҳти идораи ронандаи ноболиғ бо суръати баланд ба дарёи Душанбе сарозер шудааст

ДУШАНБЕ, 1 авг — Sputnik. Тибқи гузориши видеоии ВУД, ронанда Фирдавс Авазов, сокини шаҳри Душанбе, соли таваллудаш 2002 нисфи шаб мошинро бо суръати хеле баланд дар кӯчаи Соҳилӣ рондааст.

Манбаъ афзуд,ки дар пайи ҳаракати бетартиб “Тойота” бо суръати баланд дарахт ва панҷараҳои оҳанинро зер карду ба дарёи Душанбе сарозер шудааст.

Ронандаи ноболиғ дар гузориши ВУД изҳор дошт, ки замони рух додани ҳодиса ҳамсояаш ҳамроҳи ӯ будааст ва баъди афтидан ба дарё тариқи тирезаҳо берун шудаанд. Ба иттилои ВУД ин садама шаби 27 июл рух додааст.

Худи Авазови ноболиғ дар навори нашркардаи ВУД изҳор дошт мошинро тақрибан соати 2-и шаб бе огоҳии падараш гирифта, ҳамроҳи ҳамсоя ба роҳ баромадааст. Ӯ суръати ҳаракаташро замони рух додани ҳодиса ҳудуди 140 километр дар як соат гуфт.

ВУД таъкид кард, ки феълан аз рӯи ин ҳодиса санад тартиб дода шуда, таҳқиқи он идома дорад.

Мавзӯъҳои асосӣ

  • Озода Раҳмон, роҳбари дастгоҳи раисиҷумҳури Тоҷикистон, акс аз бойгонӣ

    Палатаи болоии парлумони Тоҷикистон хабар дод, ки Озода Раҳмон, раиси Кумитаи Маҷлиси миллӣ дар бахши таъмини асосҳои конститутсионӣ, ҳуқуқу озодиҳои инсон, шаҳрванд ва қонуният бо пешниҳоди Шӯрои Маҷлиси мазкур, мақоми ҷадид гирифтааст

    2903
  • Мулоқоти раисҷумҳури Русия Владимир Путин бо президенти Тоҷикистон Эмомалӣ Раҳмон

    Раисҷумҳури Русия унвонии президенти Тоҷикистон Эмомалӣ Раҳмон даъватнома барои иштирок дар 75 - умин солгарди ғалаба дар Ҷанги Бузурги Ватанӣ ирсол намудаст.

    593
  • Мошини БДА

    Додгоҳи ноҳияи Шаҳринав кашмакаши як ронандаи солхӯрда бо нозири роҳро, ки навори он ба интернет роҳ ёфта буд, баррасӣ карда, ронандаро ба андозаи беш аз 38 ҳазор сомонӣ ҷарима баст

    483