22:45 25 августи 2019
Пахши мустақим
  • USD9.68
  • EUR10.72
  • RUB0.15
Сотрудники противопожарной службы

Сӯхтори мудҳиш дар маркази Маскав - Видео

© Sputnik / Сергей Мамонтов
Рӯйдодҳо
Гирифтани линки кӯтоҳ
360 0 0

Дар маркази шаҳри Маскав сӯхтори мудҳиш ба амал омад

ДУШАНБЕ, 3 авг - Sputnik. Сохтмони чорошёна дар маркази пойтахти Русия, шаҳри Маскав ба коми оташ рафт. Майдони сӯхтор ҳамоно васеъ шуда истодааст.

Сӯхторро бригадаҳои Кумитаи ҳолатҳои фавқуллода хомӯш карда истодаанд, хабар медиҳад хадамоти матбуотии КҲФ.

Гуфта мешавад, ки сохтмон, иншооти саноатӣ буда дар кӯчаи Дубинскийи шаҳри Маскав воқеъ аст. Аз болои сохтмон дуди ғавс ба ҳаво мебарояд.

Ба ҷои ҳодиса 17 адад мошини оташнишонӣ равон карда шудааст. Дар бораи ҳузури мардум дар дохили бино хабар дода нашудааст.

Майдони сӯхтор то 2 ҳазор метри мураббаъ паҳн шудааст. Барои хомӯш кардани оташ чархбол сафарбар гардидааст.

Хадамоти матбуоти Кумитаи ҳолатҳои фавқуллодаи Маскав хабар медиҳад, ки дар паи чаппа шудани қисме аз сохтмон як оташнишон аз пояш захмӣ шудааст.

Барои таҳдиди чаппа шудани қисмҳои дигари сохтмон, ҳамаи оташнишонон аз дохили бино берун оварда шудаанд. Гуфта мешавад, ки дар ҷои ҳодиса 80 оташнишон фаъол ҳастанд.

Барчаспҳо:
оташнишон, наҷотдиҳанда, мудҳиштарин, сӯхтор, Маскав

Мавзӯъҳои асосӣ