ДУШАНБЕ, 5 сен — Sputnik. Тибқи иттилои Вазорати умури дохилии Тоҷикистон, маъмурини милисаи ноҳияи Фирдавсӣ, соҳибкори 30-сола, сокини шаҳри Ҳисорро дар муомилоти ғайриқонунӣ бо металҳои қиматбаҳо муттаҳам мекунанд.
“Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия дар ноҳияи Фирдавсӣ марди 30-солаи сокини шаҳри Ҳисор ҳамчун гумонбар дар муомилоти ғайриқонунии металлҳои қиматбаҳо дастгир карда шуд”, - омадааст дар иттилоия.
Манбаъ афзуд, ки ҳангоми кофтукоб аз мағозаи шахсиаш “Олами тилло”, воқеъ дар бозори “Корвон”-и шаҳри Душанбе, 15 адад сикка, 8 адад хулла, 4-адад метали ба нуқра монанд дарёфт ва гирифта шуд.
ВУД бо такя ба нозироти иёргарии Вазорати молия изҳор дошт, ки хуллаҳои гирифташуда, метали қиматбаҳои нуқра мебошанд.
“Дар асоси маълумотномаи Нозироти давлатии иёргирии назди Вазорати молияи Ҷумҳурии Тоҷикистон аз 2-юми сентябри соли 2019, хуллаҳои аз номбурда гирифта шуда, ба металли қимматбаҳои нуқра сохташуда мансуб буда, вазни умумиаш 65 граммро ташкил медиҳад”, - омадааст дар иттилоия.
Манбаъ афзудааст, ки феълан аз рӯи ин ҳодиса тафтишот идома дорад.
