Рабудани духтарачаи дусола ва талаб намудани пул аз волидайнаш бар ивазии озодии вай

CC0 / Pixabay / Маленькая девочка
Маленькая девочка - Sputnik Тоҷикистон
Обуна шудан
Дар шаҳри Ваҳдат марди 47-солаи сокини деҳаи Қирғизони шаҳри Ваҳдат дастгир шуд, ки дар одамрабоӣ ва талаб намудани пул айбдор мешавад

ДУШАНБЕ, 10 сен — Sputnik. Тавре Вазорати умури дохилаи Тоҷикистон хабар додааст, дар шаҳри Ваҳдат кормандони милитсияи кишвар марди 47-солаи сокини деҳаи Қирғизони шаҳри Ваҳдатро дастгир намуданд, ки духтарчаи дусоларо аз хонаи истиқоматиаш ба таври пинҳонӣ рабуда, сипас аз волидайнаш барои озодии фарзандашон пул талаб кардаст.

Девушка в подавленном состоянии. Архивное фото - Sputnik Тоҷикистон
Одамрабоӣ дар Душанбе: ҷавон духтари 22-соларо куҷо бурд

Бино бар иттилои ВУД Тоҷикистон ба ШВКД шаҳри Ваҳдат марди 49-солаи сокини шаҳри мазкур муроҷиат намудааст, ки рӯзи 7-уми сентябри соли равон, тахминан соати 09:30-дақиқа, шахсони номаълум бо роҳи пинҳонӣ набераи хурдсолаш, духтарчаи 2-соларо аз назди хонаи истиқоматиашон рабудаанд. 

Кормандони милитсия марди 47-солаи сокини деҳаи Қирғизони шаҳри Ваҳдат, ки пеш бо моддаи 104 Кодекси ҷиноятии Тоҷикистон маҳкум  шуда буд, бо гумони одамрабоӣ дастгир намуданд.

“Номбурда, бо мақсади талаб намудани маблағи пулӣ ва додани ҷазои рӯҳию маънавӣ ба волидайни хурдсол ӯро рабуда, ба хонаи хоҳараш, зани 39-солаи сокини шаҳри Ваҳдат бурда, то соати 16:10-дақиқа нигоҳ доштааст”, - таъкид намудааст манбаъ.

Дар ҳоли ҳозир кормандони милитсия аз рӯи ҳодисаи мазкур тафтишотро идома доранд.

Лентаи хабарҳо
0