Расулзода ва Абилғозиев ба эътидол овардани вазъ дар марзи ду кишварро баррасӣ карданд

© Правительство Кыргызской республики встреча Премьер-министра Кыргызской Республики Мухаммедкалыя Абылгазиева и Премьер-министра Республики Таджикистан Кохира Расулзоды
встреча Премьер-министра Кыргызской Республики Мухаммедкалыя Абылгазиева и Премьер-министра Республики Таджикистан Кохира Расулзоды - Sputnik Тоҷикистон
Обуна шудан
Дар гузаргоҳи марзии “Қизил-Бел”-и сарҳади Тоҷикистону Қирғизистон мулоқоти Қоҳир Расулзода, сарвазирони Тоҷикистон бо ҳамтои қирғизаш Муҳаммадқулӣ Абилғозиев баргузор шуд

ДУШАНБЕ, 18 сен — Sputnik. Бино бар иттилои дафтари матбуоти ҳукумати Қирғизистон зимни мулоқот тарафҳо тадбирҳои муштаракро барои ба эътидол овардани вазъ дар марзи ду кишварро баррасӣ карданд.

Пограничник на смотровой вышке. Архивное фото - Sputnik Тоҷикистон
Номаи эътирозии Тоҷикистон ба Қирғизистон барои тирпарронӣ дар марз

Дафтари матбуоти ҳукумати Қирғизистон таъкид намудааст, ки сарвазирони Тоҷикистону Қирғизистон дар робита ба задухурди мусаллаҳонае, ки боиси марги сарбозон анҷом ёфт, изҳори таассуф ва ба пайвандону наздикони ҳалокшудаҳо ҳамдардӣ баён карданд.

“Тарафҳо хостори фаъолтар намудани корҳо дар дар самти таъйин ва аломатгузории хати марзҳои давлатӣ ва аз байн бурдани масъалаҳои марзӣ шуданд.

Қирғизистон амалкарди марзбонони тоҷикро маҳкум намуда, ба сафир нота супорид

Муҳаммадқулӣ Абилғозиев ва Қоҳир Расулзода бори дигар аз созишномаҳои қаблан ба тавофуқрасида ҷонибдорӣ намуданд ва таъкид намуданд, ки ҳангоми ҳалли масъалаҳои марзӣ бояд аз равишҳои созанда кор гирифт.

Аз ҷумла, сарвазирон ба раҳбарони хадамоти марзбонӣ ва мақомоти маҳалли ду кишвар дастур додаанд, ки ҳамкориҳоро дар тамоми сатҳо тақвият бахшида, корҳои фаҳмондадиҳиро миёни сокинон пурзӯр кунанд.

Смотровая вышка на кыргызско-таджикском участке границы. Архивное фото - Sputnik Тоҷикистон
Мақомот кушта шудани се марзбони тоҷикро дар тирпарронӣ тасдиқ кард

Жеенбеков аз тарафҳо хост аз доман задан ба ҷанҷол дар марз бо Тоҷикистон худдорӣ кунанд

Муовинони сарвазирон ва раҳбарони ниҳодҳои марзбонии Тоҷикистону Қирғизистон вазифадор карда шуданд, ки фардо дар маҳалли ҳодиса корҳои муштаракро барои тезонидани ҳалли мушкили ба вуҷуд омада идома диҳанд.

Ёдовар мешавем, ки муноқиша дар марзи Тоҷикистону Қирғизистон шаби 16 - уми сентябр рух дод. 

Дар ҳамин ҳол, мақомоти Тоҷикистону Қирғизистон дар ҷанҷолу тирандозӣ дар марзи ду кишвар ҳамдигарро мутаҳҳам карданд.

Ёдрас мешавем, ки Қирғизистон дар роҳи Исфара-Ворух тасмим гирифтааст постгоҳ созад. Ин иқдоми Қирғизистон боиси нигаронии мақомоти Тоҷикистон шуд.

Мақомоти Тоҷикистон эълон кард, ки бунёди постгоҳ дар қаламраве, ки аломатгузорӣ нашудааст ғайриқонунӣ мебошад.

Лентаи хабарҳо
0