19:39 25 феврали 2020
Пахши мустақим
  • USD9.70
  • EUR10.51
  • RUB0.15
Рӯйдодҳо
Гирифтани линки кӯтоҳ
173001

Бино ба маълумоти пешакӣ мард барои гарм шудан ба дохили танур даромадааст вале ба далели нафас кашидани газ аз ҳуш рафтааст

ДУШАНБЕ, 29 дек — Sputnik. Дар Ноокени Қирғизистон кормандони милитсия мардеро аз марг наҷот доданд, ки дар дохили танур қариб сӯхта буд, хабар медиҳад Sputnik Қирғизистон бо такя ба Раёсати корҳои дохилии вилояти Ош.

Қазия шаби 28 декабр ба вуқӯъ пайвастааст. Зимни рейд кормандони милитсия тақрибан соати 01:15 дар минтақаи Ноокени вилояти Ош, танӯре дидаанд, ки аз дохилаш дуд мебаромад ва қарор кардаанд онро аз назар гузаронанд.

Марди дар дохили танӯр сӯхта
ВКД дар вилояти Ош
Марди дар дохили танӯр сӯхта
"Гумонҳо зиёд мешуданд, чун шабонгоҳ дар танӯр касе самбӯса намепазад. Милисаҳо дар дохили танур мардеро пайдо карданд, ки либосҳояш оташ гирифта буд ва худи ӯ беҳуш буд", - омадааст дар хабарнома.

Кормандони мақомот мардро берун кашида оташро хомӯш карданд ва ёрии таъҷилиро ҷеғ заданд.

Марди оташгирифта сокини 37-солаи вилояти Ботканд - А.А. будааст.  Бино ба маълумоти пешакӣ, мард ба хотири гарм шудан ба дохили танур даромада, аз зарби газ беҳуш шудааст. Мардро дар бемористон ба табобат фаро гирифтанд.

Барчаспҳо:
танӯр, оташ, Қирғизистон

Мавзӯъҳои асосӣ