Дар Тоҷикистон номгузориро бо пасвандҳои русӣ манъ карданд

© Sputnik / Амир ИсаевСвидетельства о рождении
Свидетельства о рождении - Sputnik Тоҷикистон
Обуна шудан
Дар Тоҷикистон минбаъд шаҳодатномаи таваллуд бидуни истифодаи бандакҳои русии “вич”, “ов”, “ев”, “ева”, “овна” дода мешавад

ДУШАНБЕ, 29 апр — Sputnik.  Маҷлиси намояндагони Тоҷикистон рӯзи гузашта лоиҳаи Қонуни Ҷумҳурии Тоҷикистон “Оид ба ворид намудани тағйиру иловаҳо ба Қонуни “Дар бораи бақайдгирии давлатии асноди ҳолати шаҳрвандӣ”-ро қабул намуд,  ки бар асоси он истифодаи пасвандҳои русӣ пурра манъ гардиданд. 

Президент Республики Таджикистан Эмомали Рахмон - Sputnik Тоҷикистон
Раҳмон гуфт 90 фоизи олимон номашон тоҷикӣ нест: ин беҳурматӣ ба миллату тамаддун аст
Дафтари матбуотии палатаи поёнии Парлумони кишвар гуфтааст, мақсади асосии лоиҳаи Қонуни мазкур дар амал ҷорӣ  намудани номгузории фарзандон дар доираи феҳристи номҳои миллии тоҷикӣ мебошад.

Ба иттилои манбаъ,  минбаъд пас аз мавриди амал қарор гирифтани Қонуни мазкур дар насаб истифода намудани пасвандҳои – ов, - ова, - ев , - ева ва дар номи падар истифодаи пасвандҳои - овна, - евна, - ович, - евич пурра манъ карда мешавад.

Музаффар Ашуриён, вазири адлияи Тоҷикистон, зимни муаррифии лоиҳаи қонун гуфт, ки ин нисбати он шахсоне, ки аллакай шаҳодатномаи таваллуд бо зикри “вич”, “ов”, “ев”, “ева”, “овна”-ро дар насаб ва номи падарашон гирифтаанд, татбиқ намегардад ва  бо худи ҳамон номҳо метавонанд шиноснома гиранд.

Номбурда гуфт, минбаъд дар насаби кӯдакони навзод ҳангоми додани шаҳодатнома ов, ова, ев, ева сабт карда намешаванд ва ба ҷойи он пасвандҳои "пур", "духт", пасвандҳои "ӣ", "зод", "зода", "он", "ён", "иён", "ёр", "ниёр", "фар" истифода шаванд.

ЗАГС - Sputnik Тоҷикистон
Кумитаи забон: Дориюш, Ясмин, Анас, Темур... - номҳои мамнӯъ дар Тоҷикистон
  Манбаъ мегӯяд лоиҳа бо дастури Эмомалӣ Раҳмон, ки зимни мулоқот бо намояндагони аҳли зиё ба муносибати Рўзи забони давлатӣ  4 октябри соли 2019 баён доштаанд, бо тартиби ҳуқуқи ташаббуси қонунгузорӣ аз тарафи Ҳукумати  Ҷумҳурии Тоҷикистон пешниҳод гардидааст.

Моҳи март Эмомалӣ Раҳмон зимни мулоқот бо олимони кишвар изҳор дошта, бо нигаронӣ гуфт, 90 фоизи олимон номи тоҷикӣ надоранд ва ӯ тоҷикӣ набудани номро беҳурматӣ нисбат ба миллату тамаддуни мардуми тоҷик хонд.

“Олимон хафа нашавед, ман таҳлил кардам, 90 фисади олимони мо номи тоҷикӣ надоранд. Ҳоло он ки роҳбари давлат кард ин корро кард. Қонун як аст. Чаро аз тоҷикияти худ мо метарсем” ,- гуфт раисиҷумҳури кишвар.

Президент худро мисол оварда гуфт, роҳбари давлат номашро иваз кард, магар ягон чиз шудаст!

Ба гуфти раҳбари давлат, тоҷикӣ кардани ном ин  ҳам ҳисси миллӣ ҳисси вантандустиву ватанпарастии мардум ва аҳли зиёро нишон медиҳад вагарна ин беҳурматӣ нисбат ба миллату тамаддуни мардуми тоҷик аст.

Лентаи хабарҳо
0