Ҳамлаи пешхизмати 18-сола ба писари тарабхонадори чинӣ дар Душанбе: ҳукм- 12,5 соли зиндон

CC0 / Pixabay / Ножницы на столе
Ножницы на столе - Sputnik Тоҷикистон
Обуна шудан
Додгоҳи ноҳияи Шоҳмансур пешхизмат Ҳасан Маҳмудови 18-соларо барои роҳзанӣ, ҳамлаи шабона ба кордеҳаш, соҳибкори чинӣ дар тарабхонаи "Ҳулбук"-и Душанбе ба 12,5 соли зиндон маҳкум кардааст

ДУШАНБЕ, 29 июн – Sputnik. Ба иттилои додгоҳ, Маҳмудов, ки дар тарабхонаи “Ҳулбук” ба ҳайси пешхизмат кор мекардааст, шаби 23 феврали соли равон ба ҳуҷраи иҷорагирандаҳои ин тарабхона ҳамла карда, бо таҳдиди буридани ангуштон телефону пули ҷабрдидаҳо, ҷамъ ба маблағи беш 19 ҳазор сомониро гирифтааст.

Таджикские деньги, архивное фото - Sputnik Тоҷикистон
Шикояти омӯзгорони тоҷик: маош нагирифтаем, зиндагӣ вазнин

Аз ҷабрдидаҳо Сионг Зие  ва падараш Сионг Вей ном бурда шудааст, ки мутаносибан ба маблағи  7 ҳазору 985 ва 11 ҳазору 400 сомонӣ зарари моддӣ дидаанд. Ҳамла замоне рух додааст, ки падар дар Чин қарор доштасту писар дар Душанбе, дар тарабхонаи Ҳулбук будааст.

Ҷабрдида Сионг Вей дар мурофиа изҳор доштааст, ки аз соли 2008 инҷониб дар Тоҷикистон ба соҳибкорӣ машғул буда, нахуст дар тарабхонаи “Оли-Сомон”  кор мекард ва соли 2014 тарабхонаи “Ҳулбук”-ро ба иҷора гирифта, ғизоҳои миллии чиниро тайёр мекардааст.

Роҳзанӣ бо таҳдиди буридани ангушт

Ба иттилои ӯ, дар тарабхона 4 пешхизмат, аз ҷумла Ҳасан Маҳмудов кор карда, барои ӯ дар дохили бинои тарабхона ҷои хоб ташкил кардааст.

Промышленное предприятие Азот, архивное фото - Sputnik Тоҷикистон
Қатъи созишнома бо Чин: Ҳукумат нархи корхонаи “Азот” ва шартҳои фурӯшро эълон кард

“Худаш ҳам бошад бо ҳамроҳии писараш дар ошёнаи дуюми тарабхонаи номбурда истиқомат мекардааст. Муносибаташ бо судшаванда хеле нағз будааст, ҳато судшаванда аз ӯ автомашинаашро гирифта, ба шаҳри Ҳисор мерафтааст”, - омадааст дар иттилоияи додгоҳ.

Соҳибкори чинӣ афзудааст, ки 16 январи соли 2020 ӯ барои ҷашн гирифтани соли нав ба зодгоҳаш ба шаҳри Сичуани Чин рафта, барои писараш дар сандуқи оҳанин пул монд, то дар ҳолатҳои зарурӣ истифода барад.

Дар санаи 23 феврали соли 2020 ба ӯ шабона писараш Сионг Зие аз шаҳри Душанбе занг зада, хабар додааст, ки ҳангоми дар ҳуҷраи хобаш воқеъ дар ошёнаи 2 тарабхонаи “Ҳулбук” хоб буданаш, ба он ҷо пешхизмат бо номи Маҳмудов Ҳасан даромада, нахуст бо корд ва сипас бо қайчӣ таҳдиди буридани ангушт карда, маблағу телефонҳоро гирифтааст.

Пас аз ба Ҷумҳурии Тоқикистон омаданаш ӯ 14 рӯз дар шаҳри Ҳисор дар карантин будааст ва аз аҳволи писараш танҳо бо тариқи телефон бохабар будааст. Ӯ афзудааст, ки то ҳол нафаҳмидааст, ки аз чӣ сабаб бошад судшаванда, ки солҳои зиёд ӯро мешиносад ва ӯ ба судшаванда ҷои кор, ҷои хоб, се вақт хӯрок ва ба маблағи 1000 сомонӣ музди меҳнат таъмин кардааст, нисбати писари ӯ чунин ҷиноят содир кардааст.

Рустам Эмомали председатель города Душанбе - Sputnik Тоҷикистон
Аз 200 таҷҳизоти нафасдиҳӣ то...: Рустами Эмомалӣ ба 4 млн. сомонӣ аз Чин чӣ овард?

Маҳмудов дар додгоҳ ба гуноҳаш иқрор шуда, изҳор доштаст, ки қисме аз маблағҳои гирифтаашро писари амакияш дар Ҳисор аз ӯ дуздидаасту боқимондаро дар шаҳри Турсунзода дар дискоклуб ва қисми зиёдашро барои раққосаҳо, духтарон ва дар меҳмонхона сарф кардааст

Айбдоршаванда 24 феврал боздошт гардида, аз ӯ 1840 сомонӣ бо як адад телефони мобилии “Хуавей” гирифта шудааст. Ба иттилои додгоҳ, ӯ ба гуноҳаш пурра иқрор буда, аз кардааш сидқан пушаймон шуда, аз ҷабрдидаҳо бахшиш пурсидааст. Аз суд хоҳиш намудааст, ки ҷавонии ӯро ба назар гирифта нисбаташ ҷазои сабуктар таъйин карда шавад.

Додгоҳ дар пайи баррасии қазия қарор кардааст, ки зарари расонда ба ҷабрдидаҳо барқарор карда шаваду судшавандаро барои 12,5 соли равонаи зиндон намудаст.

Лентаи хабарҳо
0