Садамаи мудҳиш дар шоҳроҳи Душанбе – Хуҷанд : ду роҳгузар ҳалок ва як тан бистарӣ шуд

© Jan2575 / pixabayСгоревшая машина
Сгоревшая машина - Sputnik Тоҷикистон
Обуна шудан
Кумитаи ҳолатҳои фавқуллода аз садамаи нақлиётие дар шоҳроҳи Душанбе – Хуҷанд – Чаноқ хабар медиҳад, ки дар паи он ду роҳгузар ҷон бохта як тани дигар дар ҳолати вазнин бистарӣ гардид

ДУШАНБЕ, 13 июл — Sputnik. Бино ба гузориши КҲФ, ин ҳодисаи мудҳиш зӯҳри рӯзи 11-июли соли равон дар километри 172-уми шоҳроҳи Душанбе – Хуҷанд – Чаноқ рух дод.

Инспектор ГИБДД, архивное фото - Sputnik Тоҷикистон
Бадахшон: дар 13 садамаи нақлиётӣ 7 нафар ҳалок ва 13 нафар ҷароҳатдор гардиданд

Ронандаи 32-солаи худрави тамғаи Hyundai Солярис аз уҳдаи идораи мошин набаромада се раҳгузарро дар ҷамоати деҳоти Шаҳристони ноҳияи Шаҳристони вилояти Суғд пахш кард. Ин мошин аз Душанбе ба самти Хуҷанд дар ҳоли ҳаракат буд. Сабаби садамаи маргбор дақиқ маълум нест.

Дар хабари Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар вилояти Суғд гуфта мешавад, ки ронанда сокини деҳаи Даҳанаи ноҳияи Варзоб Далер Исмоилов буда, дар ин садама аслан осеб надидааст. 

"Бар асари ҳодиса ду пиёдагарди канори роҳ, ки яке сокини 36-солаи ҷамоати деҳоти Оқтеппаи ноҳияи Спитамен Ғолибҷон Хоҷаматов ва дуюмӣ ҷавони 25-сола, сокини ҷамоати деҳоти Хушекати ноҳияи Айнӣ Муҳаммадкарим Ҷумъаев буданд, дар ҷойи ҳодиса ба ҳалокат расиданд", - омадааст дар хабарнома.  

Манбаъ афзуда, ки сокини 29-солаи ҷамоати деҳоти Унҷии ноҳияи Б.Ғафуров Тоҳирҷон Шарифов дар айни замон дар шуъбаи эҳёи бемористон ноҳияи Шаҳристон бистарист ва духтурон ҳоли ӯро низ вазнин арзёбӣ кардаанд.

Лентаи хабарҳо
0