08:27 20 сентябри 2020
Пахши мустақим
  • USD10.33
  • EUR12.22
  • RUB0.14
Рӯйдодҳо
Гирифтани линки кӯтоҳ
305602

Дар ноҳияи Рашт ба як борагӣ се сардори ниҳодҳои милисаву БДА ва прокурратура аз вазифаҳояшон барканор карда шудаанд.

ДУШАНБЕ, 28 авг — Sputnik. Раҳимҷон Муқимӣ, раиси ноҳияи Рашт ин хабарро таъйид ё такзиб накард, аммо як манбаъ дар вазорати корҳои дохилии Тоҷикистон барканории генерал – майор Сафиаллоҳ Азизуллоҳзода, сардори Раёсати вазорати корҳои дохилӣ дар минтақаи Раштро таъйид карда, гуфт, ҳамин қадар маълум аст, ки ӯ дар ихтиёри шӯъбаи кадрҳо қарор гирифтааст.

“Ҳанӯз маълум нест, ки ба ҷои ӯ кӣ таъин хоҳад шуд”, - гуфт ин манбаъ.

Тибқи қонунгузории Тоҷикистон, таъйини сардорони раёсати ВКД дар шаҳру навоҳӣ ва вилоятҳои кишвар дар салоҳияти президенти кишвар аст. Генерал – майор Сафиалло Азизулозода 12 декабри соли 2017 сардори Раёсати ВКД дар минтақаи Рашт таъйин шуда буд.

Бино ба манобеъи дигари маҳаллӣ дар Рашт, Шоҳин Талбакзода, прокурор ва сардори БДА-и ноҳия Бегиҷон Салимов низ аз вазифаҳои худ барканор шудаанд.

“Сабабҳои барканории онҳо маълум нест”, - гуфт манбаъ.

Шоҳин Талбакзода аз соли 2018 прокурор ва Бегиҷон Салимов низ аз соли 2018 сардори Бозрасии давлатии автомобилӣ (БДА) – и ноҳияи Рашт буданд.

Барчаспҳо:
барканорӣ, тағйирот, Рашт, Тоҷикистон

Мавзӯъҳои асосӣ