10:09 23 сентябри 2020
Пахши мустақим
  • USD10.33
  • EUR12.13
  • RUB0.14
Рӯйдодҳо
Гирифтани линки кӯтоҳ
1055 0 0

Вазорати умури дохилии Тоҷикистон бо нашри гузориши видеоӣ аз боздошти Тоҳир Агойликов, сокини 56-солаи шаҳраки Ғончӣ хабар дод, ки дар қатли ҳамзисти духтараш айбдор мешавад

ДУШАНБЕ, 15 сен — Sputnik. Тибқи иттилои Вазорати умури дохилӣ, муттаҳам марди 56-сола, ки пеш низ барои одамкушӣ суд шудааст, ҳамзисти духтараш Саидҷон Боймуродовро ба қатл расондааст. Марҳум бо духтари марди муттаҳам никоҳи мусалмонӣ доштааст.

Худи муттаҳам дар гузориши видеоии ВУД мегӯяд, Боймуродовро барои фиребу дурӯғгӯияш ба қатл расондааст.

“Вақте дар Русия будам, ҳамсараму хонагиҳоро фиреб карда, гуфтааст, ки ман зан надорам, кӯдак надорам, аз ман фарзанд намешавад, модару хоҳарҳояшро оварда тӯйу никоҳи мусалмонӣ карда, гирифтаст. Баъд фаҳмидам, ки бисёр корҳои дурӯғ гап задааст. Зану кӯдак доштаст, занашро се талоқ карда, саргардон кардааст”, - изҳор дошт Агойликов дар гузориши ВУД.

Қаблан ВУД хабар дода буд, ки Агойликов "28-уми августи соли 2020, тахминан соати 15:00 дар хонаи истиқоматиаш, аз сабабе, ки ҷавони 25-солаи сокини шаҳри Истаравшан, бо духтараш - ҷавонзани 26-солаи сокини ҳамон ҷо, ҳамзист мебошад, муноқиша намуда, дар мошинсарои назди хонаи истиқоматиаш ҷабрдидаро лату кӯб намуда, бо болға якчанд маротиба ба сараш зада ба ҳалокат расонидааст".

Манбаъ илова намуд, ки ҳодиса баъди як ҳафта ошкор карда шуд. Феълан алайҳи муттаҳам парвандаи ҷиноӣ оғоз гардида, тафтишот идома дорад.

Барчаспҳо:
парвандаи ҷиноӣ, куштор, Тоҷикистон

Мавзӯъҳои асосӣ