07:36 27 октябри 2020
Пахши мустақим
  • USD10.34
  • EUR12.23
  • RUB0.13
Рӯйдодҳо
Гирифтани линки кӯтоҳ
265 0 0

Вазорати умури дохилии Тоҷикистон аз дастгир шудани нафаре хабар дод, ки қаблан 3 бор барои қаллобӣ маҳкум шудааст

ДУШАНБЕ, 3 окт — Sputnik. Ба иттилои ВУД, дастгиршуда марди 42-солаи сокини шаҳри Истаравшан мебошад.

Манбаъ тавзеҳ дод, ки дастгиршуда солҳои 2002, 2014 ва 2019 низ бар асоси моддаи 247-и Кодекси ҷиноятии Ҷумҳурии Тоҷикистон суд шудааст.

Бар асоси иттилои ВУД, марди мазкур бори чорум низ  бо гумони содир намудани кирдори қаллобӣ дастгир карда шуд.

“Номбурда, санаи 15-уми августи соли 2020, бо роҳи фиреб ба боварии марди 40 ва зани 38-солаи сокинони шаҳри мазкур даромада, аз онҳо 8 ҳазор доллари амрикоӣ гирифта, то ҳол маблағи гирифтаашро барнагардонидааст”, - омадааст дар иттилоия.

Вазорати умури дохилии Тоҷикистон таъкид кард, ки аз рӯи ҳодисаи мазкур тафтишот идома дорад.

Барчаспҳо:
боздошт, қаллобӣ, Вазорати умури дохилии Тоҷикистон, Тоҷикистон

Мавзӯъҳои асосӣ