ДУШАНБЕ, 21 дек – Sputnik. Тибқи иттилои дафтари матбуотии Раёсати Вазорати корҳои дохила дар Душанбе, рӯзи 15 декабр дар кӯчаи Борбад соати сеюними шаб байни сокини 22-солаи ноҳияи Рӯдакӣ Сунатулло Давлатов ва ҷавонзани 27-солаи сокини шаҳри Душанбе Сабоҳат Расулова муноқишаи лафзӣ сурат гирифта, онҳо бо рафтори дағалона якдигарро дашномҳои қабеҳ додаанд.
Муноқишаи лафзии онҳоро дида, роҳгузари тасодуфӣ, шаҳрванд Раҷабов Таваралии 23-сола зодаи ноҳияи Шамсиддин Шоҳин, деҳаи Пистамазор мехоҳад аз ҳамдигар раҳо созад.
“Дар ин замон шаҳрванд Сунатулло Давлатов бо ҳамроҳии шаҳрванд, Иброҳимов Бахтиёр Зоировичи 18-сола, истиқоматкунандаи шаҳри Душанбе кӯчаи Нахимов, тартиботи ҷамъиятиро дағалона вайрон намуда, бо шаҳрванд Раҷабов Таваралӣ дарафтода, ӯро маврии латукӯб қарор додаанд, ки ӯ ҷароҳатҳои ҷисмонӣ бардоштааст”,-афзудааст, манбаъ.
Гуфта мешавад, бо назардошти ҳолатҳои мазкур нисбати Давлатов Сунатулло ва Иброҳимов Бахтиёр тибқи талаботи моддаи 237 қисми 2 Кодекси ҷиноятии Тоҷикистон парвандаи ҷиноятӣ оғоз карда шуда, онҳо дар ҳабси пешакӣ қарор доранд
Ёдовар мешавем, ин моддаи Кодекис ҷиноятии Тоҷикистон то 5 соли маҳрумият аз озодиро пешбинӣ мекунад.
