Перм ва Нижний Новгород хостори ҳамкорӣ бо ПСС-и Тоҷикистон мебошанд

© Sputnik / Олег Золото / Гузариш ба медиабонкШаҳри Нижний Новгороди Русия. Акс аз бойгонӣ
Шаҳри Нижний Новгороди Русия. Акс аз бойгонӣ - Sputnik Тоҷикистон
Обуна шудан
Маъмурияти шаҳрҳои Нижний Новгород ва Перм изҳор доштанд, ки мехоҳанд бо Тоҷикистон барои интиқоли мева, сабзавот, афшурда, асал ва меваи хушк робитаҳои мустақим барқарор намоянд.

ДУШАНБЕ, 15 апр — Sputnik. Мақомоти масъули ду шаҳри дигари Русия ба Палатаи савдо ва саноати Тоҷикистон номаи расмӣ барои ҳамкорӣ фиристоданд, иттилоъ медиҳад дафтари матбуотии ПСС ҶТ.

Бозори Шоҳмансур. Акс аз бойгонӣ - Sputnik Тоҷикистон
Беш аз 200 ширкати ФР хостори маҳсулоти кишоварзии Тоҷикистонанд

Аз ҷумла, раиси шаҳри Нижний Новгород И. Н. Карнилин ва муовини мири шаҳри Перм В.Г. Агеева ҳамбастагии худро дар рушди минбаъдаи муносибатҳои иқтисодӣ бо Тоҷикистон иброз намуданд.

Ҳокимияти шарҳҳо ҳамчунин рӯйхати ташкилотҳо ва ширкатҳои савдои яклухт ва чаканаи маҳсулоти хӯроквориро бо мақсади такмил додани робитаҳои мустақими ду кишвар тартиб доданд.

Қаблан хабар дода шуд, ки раиси Палатаи савдо ва саноати Тоҷикистон Шариф Саид ба минтақаҳои гуногуни Русия рӯйхати ташкилотҳо ва ширкаҳои ҷумҳуриро фиристода буд. Ҳадафи аслии ин нома, барқарор намудани муносибатҳои мустақим миёни соҳибкорону субъектҳо ва бастани шартнома оиди таъмини Русия бо сабзавот, меваҷот, маҳсулоти консервӣ, асал, афшураҳо, зироати полезӣ ва меваи хушк мебошад.

Пешниҳоди ҳамкориро аз ҷониби Палатаи савдо 53 ширкати русӣ бо мақсади ба роҳ мондани ҳамкориҳои дуҷониба дар самти интиқоли маҳсулоти кишоварзӣ ба Русия ҷонибдорӣ намуданд.

Лентаи хабарҳо
0