08:18 27 ноябри 2020
Пахши мустақим
  • USD11.30
  • EUR13.44
  • RUB0.15
Саноат
Гирифтани линки кӯтоҳ
63 0 0

Ширкатҳои тоҷикистонӣ ва озарбойҷонӣ чанд қарордоди ҳамкорӣ дар заминаҳои мусофирбарии ҳавоӣ ва хариду фурӯши фаровардаҳои нафтӣ ва алюминӣ имзо карданд

ДУШАНБЕ, 20 ноя — Sputnik. Ҷумҳурии Тоҷикистон ва Ҷумҳурии Озарбойҷон қарор доданд дар чанд замина ҳамкорияшонро густариш диҳанд.

Ба гузориши сафорати Тоҷикистон дар Боку, чанде пеш ҳайъате аз масъулини ширкати ҳавопаймоии "Сомон Эйр" ва намояндаҳои "Ширкати алюминии тоҷик" (ТАЛКО) дар пойтахти Озарбойҷон бо вазири иқтисод Шоҳин Мустафоев, раҳбари ширкати "Роҳи оҳани Озарбойҷон" Ҷовид Қурбонов, раҳбари ширкати киштигардии дарёи Хазар Рауф Валиев, мудири кулли ширкати алюминии DET-Al Сархон Бобоев ва муовини раиси ширкати нафтугозии SOCAR Довуд Муҳаммадов дидору гуфтугӯ кард. 

Дар паи ин музокирот ширкатҳои "ТАЛКО" ва "DET-Al" қарор доданд, ки ширкати озарбойҷонӣ сар аз моҳи декабр ба корхонаи алюминии Тоҷикистон моҳиёна 3 то 7 ҳазор тон кокси нафтӣ таҳвил дода ва аз Тоҷикистон анод, криолит, флюорит ва алюминии сонавия таҳвил хоҳад гирифт.

Ҳамзамон ширкатҳои "ТАЛКО" ва "DET-Al" қарордоде низ имзо карданд, ки бар асоси он корхонаи тавлиди гилхоки Ганҷа дар Озарбойҷон бо равиши "пардохти маводи хоми хориҷӣ" ва бо ҷалби сармоягузориҳои хориҷӣ аз тарафи ТАЛКО дар соли 2018 дубора роҳандозӣ шуда ва сипас гилхокро ба Тоҷикистон бо нархи муносиб таҳвил бидиҳад.

Ҳамчунин масъулини "Сомон Эйр" ва ширкати ҳавопаймоии "AZAL" барои роҳандозии парвоз дар масири Душанбе — Боку — Франкфурт — Боку — Душанбе музокира карданд.

Аз равобити умумии "Сомон Эйр" ба хабаргузории Sputnik гуфтанд, ки ҳамакнун тарафҳо масоили фаннии роҳандозии парвозҳо, фурӯши билетҳо ва таҳияву танзими қарордоҳои мусофирбарии миёнхаттӣ (interline agreement) ва қарордоди намоди муштаракро (Codeshare agreement) баррасӣ доранд.

Мавзуъ

Тоҷикистон равобиту ҳамкориҳояшро бо Ҷумҳурии Озарбойҷон густариш медиҳад
Тоҷикистону Озарбойҷон хостори барқарор кардани алоқаи ҳавоӣ шуданд
Тоҷикистону Озарбойҷон ҳамкорӣ дар заминаи кору таъмини иҷтимоиро баррасӣ карданд
Барчаспҳо:
гилхок, ҳавопаймоӣ, алюминий, AZAL, DET-Al, "Сомон Эйр", ТАЛКО, Тоҷикистон-Озарбойҷон

Мавзӯъҳои асосӣ