10:00 02 марти 2021
Пахши мустақим
  • USD11.30
  • EUR13.62
  • RUB0.15
Саноат
Гирифтани линки кӯтоҳ
107 0 0

Мақомоти шаҳри Хуҷанд эълон доштааст, ки шаҳр барои саноатикунонии босуръат чораҳои амалӣ меандешад ва барои тақвияти иқтидори ин соҳа, теъдоди корхонаҳои истеҳсоли хурду миёнаи шаҳр ба 165 адад расида шуд

ДУШАНБЕ, 10 фев — Sputnik. Корхонаҳои саноатии Хуҷанд дар соли 2020 ба маблағи 1 млрд 492 млн сомонӣ маҳсулот истеҳсол кардаанд, ки ин нисбат ба ҳамин давраи соли 2019 - 197 млн. сомонӣ ё 15,2 дар сад зиёд будааст.

Ахиран зимни нишасти матбуотӣ иҷрокунандаи вазифаи раиси шаҳр Фирдавс Шарифзода таъкид дошт, ки соли гузашта дар соҳаи саноат 17 корхонаи нави хурду миёна таъсис ёфт.

Вай таъкид дошт, ки шумори умумии корхонаҳои саноатии шаҳри Хуҷанд ба 165 адад расонида шуд.

Дар Суғд корхонаи коргарди ғалла ифтитоҳ мешавад

Дар ҳамин ҳол, иҷрокунандаи вазифаи раиси шаҳри Хуҷанд қайд кардааст, ки дар баробари роҳандозии корхонаҳои нав соли гузашта бо сабабҳои объективӣ 14 корхона кор накардааст

“Мо аз ҳисоби мутахассисон гурӯҳи корӣ ташкил кардем, то ки сабабҳои аз фаъолият бозмондани онҳоро ошкор ва таҳлил намуда, имсол ин мушкилот бартараф ва фаъолияташон барқарор карда шавад”, - Фирдавс Шарифзода.

Ӯ ҳамчунин зикр кард, ки дар соли равон қарор аст боз 14 корхонаи нави истеҳсолӣ дар Хуҷанд бунёд гардад.

Барчаспҳо:
корхона, фаъолият, Хуҷанд

Мавзӯъҳои асосӣ