22:29 22 сентябри 2020
Пахши мустақим
  • USD10.33
  • EUR12.13
  • RUB0.14
Тасвирбаён

Толибилмон дар соли хониши нав чӣ қадар таътил доранд? Тақвими истироҳати хонандагон

Гирифтани линки кӯтоҳ
1219 0 0
Тақвими таътили мактабӣ дар тоҷикистон барои солҳои 2020-2021
© Sputnik /

Дар Тоҷикистон ба далели авҷ гирифтани маризии сироятии коронавирус, макотибу донишгоҳҳои кишвар қабл аз мӯҳлат ба таътил баромаданд

Вазорати маорифи Тоҷикистон дар робита ба таҳсили толибилмону донишҷӯён ва ҳамзамон таҳтили қабл аз мӯҳлати онҳо фармон бароварда буд.

Тибқи ин фармоиш таътил дар муассисаҳои таҳсилоти томактабӣ то ба эътидол омадани вазъи эпидемиологӣ дар ҷумҳурӣ (дар мувофиқа бо ситоди ҷумҳуриявӣ оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус дар Ҷумҳурии Тоҷикистон) тамдид карда мешавад.

Вазири маориф ҳангоми таътил ба боздиди мактабҳои Муъминобод рафт

Имсол дар муассисаҳои таҳсилоти умумӣ аз 11 май то 16 августи соли 2020 ба хонандагону омӯзгорон таътили тобистона дода шуд.

"Идомаи соли таҳсили 2019-2020 дар синфҳои 1-8 ва 10 муассисаҳои таҳсилоти умумӣ новобаста аз шакли ташкилию ҳуқуқӣ аз 17 августи соли 2020 оғоз карда шавад", - омадааст дар фармоиши вазир.

Зимнан, хонандагони мактаб дар соли нави хониш ҷамъан 109 рӯзи таътил доранд. Ҳамчунин 144 рӯзи дарсӣ доранд.

Фармоиши Нуриддин Саид барои се рӯзи таътил дар Душанбе: Чаро?

Дар Тоҷикистон маъмулан аз ҳисоби таътили тӯлонитари зимистона истироҳат дар тобистон дертар фаро мерасад.

Синфҳои болоӣ то мобайнҳои моҳи июн дарс хонада сипас барои чанд ҳафтаи дигар имтиҳон месупоранд. аммо имсол ба далели авҷ гирифтани маризии коронавирус, таътил дар мактабҳо барвақт эълон шуд.

Донишҷӯён низ дар баробари муассилини мактаб барвақт ба таътил фаро гирифта шуданд.

Барчаспҳо:
мактаб, таътил, Тоҷикистон

Тасвирбаёни бештар

Мавзӯъҳои асосӣ