Боздошти як вакил барои "тасарруф"-и беш аз сад ҳазор доллар

© Официальный сайт Агентства по государственному финансовому контролю и борьбе с коррупцией РТ Алишер Файзуллоев
Алишер Файзуллоев - Sputnik Тоҷикистон
Обуна шудан
Файзуллоев барои ба бовари сокинон даромадану аз они худ намудани бештар аз 100 ҳазор доллари корафтодагон муттаҳам мешавад.

ДУШАНБЕ, 23 янв — Sputnik. Оҷонси мубориза бо фасоди молии Тоҷикистон Алишер Файзуллоев — вакили мудофеи Анҷумани адвокатҳои "Ҳамкорӣ" дар Душанберо ба иттиҳоми қаллобӣ боздошт ва алайҳи ӯ парванда боз намудааст, хабар медиҳад сомонаи ин ниҳод.

Файзуллоев барои ба бовари сокинон даромадану аз они худ намудани бештар аз 100 ҳазор доллари корафтодагон муттаҳам мешавад.

Арзи миллӣ-сомонӣ - Sputnik Тоҷикистон
Боздошти ректори собиқ бо иттиҳоми азхудкунии 1,5 млн. сомонӣ

То кунун наздикон ё вакили мудофеи Алишер Файзуллоев дар мавриди ин қазия изҳори назар накардаанд. Вале як намояндаи Оҷонсии мубориза бо фасоди молӣ ба "Радиои Озодӣ" гуфтааст, парвандаи муттаҳамро баъд аз тафтиши пешакӣ барои баррасӣ ба додгоҳи Душанбе ирсол кардаанд.

Эркин Назаров — намояндаи дафтари матбуоти Оҷонси мубориза бо фасоди молӣ гуфтааст, феълан Алишер Файзуллоев дар боздоштгоҳи муваққати Оҷонсӣ нигоҳдорӣ мешавад.

"Тайи се соли охир Файзуллоев ҳангоми муроҷиати шаҳрвандон дар мавриди кӯмаки ҳуқуқӣ бо ҳар баҳона маблағи онҳоро аз худ намудааст", — мегӯяд Назаров.

Оҷонсии мазкур ба унвони мисол аз қазияи Людмила Порхуллоева, як сокини кӯҳансоли Душанбе, ёдоварӣ мекунад, ки дар пайи муроҷиат барои дарёфти ёрӣ аз Алишер Файзуллоев манзили истиқоматияшро аз даст додааст.

"Порхуллоева баъди муноқиша бо духтараш барои манзили зист, ба адвокат Файзуллоев муроҷиат мекунад. Вай хоҳиш мекунад, барои ӯ парастори қонунӣ пайдо кунанд. Вакили мудофеъ ҳуҷҷатҳои манзили истиқоматии зани солхӯрдаро гирифта, 24 сентябри 2013 ба МБТИ (корхонаи фаръии бақайдгирии санадҳои техникӣ) меравад ва бо имзои сунъии соҳиби манзил хонаро ба номи ҳамсари худаш сабт мекунад", — омадааст дар сомонаи оҷонсӣ.

Дар сомона ҳамчунин гуфта шудааст, Людмила Порхуллоеваи 73-сола қаблан ба вакили мудофеъ ваъда медиҳад, агар парастор хуб аз ӯ муроқибат намояд, манзили зисташро бо роҳи қонунӣ ба ӯ медиҳад.

"Бо ҳамин васила, адвокат Алишер Файзуллоев бо гумроҳ намудани зани солхӯрда санаи 9 октябри соли 2014 манзили истиқоматии се ҳуҷрагии ӯро ба як сокини дигари пойтахт дар ивази 55 ҳазор доллар фурӯхта, маблағро барои эҳтиёҷи худ сарф кардааст", — менависад сомона.

Оҷонсии мубориза бо фасоди молӣ мегӯяд, Алишер Файзуллоевро бо Людмила Порхуллоева рӯ ба рӯ кардаанд ва ӯ дар ҷавоб ба суолҳои зани солхӯрда "лол" мондааст. Ин ниҳод Файзуллоевро ба истифода аз мақоми адвокатӣ ва сохтакории санадҳои Додгоҳи олии Тоҷикистон низ муттаҳам мекунад.

Лентаи хабарҳо
0