21:09 06 декабри 2019
Пахши мустақим
  • USD9.68
  • EUR10.74
  • RUB0.15
Нашъа. Акс аз бойгонӣ

Кашфу мусодираи беш аз 47 кило нашъа дар Тоҷикистон. Тайи як шабонарӯз

© Sputnik / Яков Андреев
Таҳқиқ
Гирифтани линки кӯтоҳ
12 0 0

Аснои баргузории чанд амалиёти фаврӣ-ҷустуҷӯии мақомот дар чаҳор шаҳру навоҳии мамлакат теъдоде аз қочоқчиён бо иттиҳои даст доштан дар гардиши ғайриқонунии маводи мухаддир боздошт гардиданд.

ДУШАНБЕ, 16 мар — Sputnik. Кормандони мақомоти умури дохила рӯзи шанбе гузашта миқдори бузурги маводи нашъадорро кашфу мусодира карданд, иттилоъ медиҳад сайти ВКД ҶТ.

Ҳамин тавр, рӯзи 14 март, кормандони ШВКД дар шаҳри Панҷакент ҳангоми азназаргузаронии ҳавлии истиқоматии сокини 23-солаи ҳамин шаҳр Иззатулло Ғафуров аз дохили ду халтаи полиэтиленӣ 31 кило маводи нашъадорро дарёфт ва мусодира намуданд, ки ба навъи "афюн" мансубият доштаанд.

Зимни як чорабинии оперативии дигар дар ҳудуди шаҳри Хуҷанд шаҳрвандон: Шералӣ Ҷалолови 31-сола, сокини н.Рӯдакӣ ва Сироҷиддин Шарифови 48-сола, сокини шаҳри Хуҷанд аз ҷониби кормандони ШВКД дар нақлиёти вилояти Суғд дастгир гардиданд. Дар вақти кофтукови шахсӣ аз дохили борхалтаи гумонбаршудагон 8 килою 841 грамм маводи нашъадори "ҳашиш" дарёфт ва мусодира карда шуд.

Хамин тариқ, дар шаҳри Душанбе шаҳрванд Эмомалӣ Худойназарови 43-сола, сокини ноҳияи Панҷи вилояти Хатлон  дастгир карда шуд. Дар вақти кофтукови шахсӣ аз борхалтаи ӯ кормандони оперативии ШВКД дар ноҳияи Исмоили Сомонӣ 4 килою 876 грамм маводи нашъадори "ҳашиш" мусодира намуданд.

Ҳамчунин, кормандони Раёсати кофтукови ҷиноии ВКД се нафар сокинони ноҳияи Шуғнони вилояти Бадахшон: Мамадалибек Мақулшоеви 53-сола, Азаматшо Муносибшоеви 24-сола, ки қаблан бо моддаи 244 КҶ ҶТ суд шудааст ва Аҳмад Лутфишоеви 23-соларо боздошт карданд. Аснои кофтукоби манзили маскунии онҳо  2 килою 297 грамм маводи нашъадори "ҳашиш" дарёфт ва мусодира карда шуд.

Дар маҷмӯъ, тайи як шабонарӯз (шанбеи 14-уми март) 47 килою 014 грамм маводи мухаддир аз ҷониби кормандони ВКД мусодира гардидааст.

Нисбати далелҳои мазкур парвандаҳои ҷиноятӣ оғоз гардида, тафтишот идома дорад. 

Мавзуъ

Сокини Фархор бо миқдори зиёди нашъа дастгир гардид
Боздошти ду нафар дар Рӯшон бо 54 кг нашъа
Тоҷикистону Чин аснои амалиёт беш аз 180 кг нашъа мусодира карданд
Барчаспҳо:
дастгир гардидани афрод бо иттиҳоми нашъафурӯшӣ, нашъаҷаллобон, нашъа, маводи мухаддир, боздошти қочоқчиён, мақомоти милиса, ВКД ҶТ, Мамадалибек Мақулшоев, Азаматшо Муносибшоев, Изатулло Ғафуров, Сироҷиддин Шарипов, Панҷ, Суғд, Душанбе, Тоҷикистон

Мавзӯъҳои асосӣ