Вакили мудофеъ: Дадаев аз эътирофи қатли Немтсов даст накашидааст

© Sputnik / Максим Блинов / Гузариш ба медиабонкГумонбар дар қатли сиёсатмадор Борис Немтсов Заур Дадаев (аз чап) дар додгоҳи Басманнийи шаҳри Маскав
Гумонбар дар қатли сиёсатмадор Борис Немтсов Заур Дадаев (аз чап) дар додгоҳи Басманнийи шаҳри Маскав - Sputnik Тоҷикистон
Обуна шудан
Ҳимоягарони Заур Дадаев ҳақиқати эътирофи ӯро дар мавриди даст доштанаш дар қатли Борис Немтсов месанҷанд, худи гумонбар ҳанӯз аз эътирофаш даст накашидааст.

ДУШАНБЕ, 25 мар — Sputnik. Заур Дадаев, ки дар қатли сиёсатмадор гумонбар дониста мешавад, аз эътирофаш дар бораи даст доштан дар қазия даст накашидааст, иброз дошт ба РИА Новости адвокати ӯ Иван Герасимов.

"Ҳоло зерҳимояи мо аз эътирофаш даст накашидааст, дар ин бора ҳанӯз барвақт аст. Мо фақат ба ҳайси гумонбар аз рӯзи 8 март эътирофи ӯро дар даст дорем",- гуфт вакили мудофеъ.

Муттаҳамони қатли Б. Немтсов ба додгоҳи Басманний интиқол шуданд - Sputnik Тоҷикистон
Қатли Борис Немтсов: панҷ нафар боздошт гардид, яке аз онҳо иқрор шуд

Дар ҳоли ҳозир ҳимоячиён паҳлӯҳои дигари қазияро таҳқиқ мекунанд.

"Таҳқиқи қазия идома дорад. Сабаб ва омилҳои он ҳанӯз рӯшан нест. Зерҳимояи мо ҳоло фақат гумонбар асту бас",- қайд кард Герасимов.

Борис Немтсов шаби 28 феврали соли равон дар маркази шаҳри Маскав, дар наздикии Кохи Кремл ба қатл расид. Сиёсатмадори маъруф дар аввали солҳои 90-и садаи гузашта дар мақомҳои олии роҳбарикунандаи ФР кор карда, дар оғози соли 2000-ум ба сафи мухолифини ҳукумат пайваст.  

Лентаи хабарҳо
0