03:34 26 ноябри 2020
Пахши мустақим
  • USD11.30
  • EUR13.44
  • RUB0.15
Таҳқиқ
Гирифтани линки кӯтоҳ
13 0 0

Тафтишот муайян кардааст, ки Наҷмиддин Исматов таппончаи навъи “Макаров”-ро аз Русия харида, вориди Тоҷикистон кардааст. Баъдтар, дар моҳи июни соли 2014 бо он таппонча тоҷир Хурсандмурод Раҷабовро парронида аст.

ДУШАНБЕ, 2 сен — Sputnik. Додгоҳи шаҳри Душанбе бародарон — Наҷмиддин ва Сайриддин Исматовҳоро дар қатли тоҷир Хурсандмурод Раҷабов гунаҳкор шинохта, аввалиро ба муҳлати 25 ва дувумиро ба муҳлати 17 сол аз озодӣ маҳрум кардаас, менависад сомонаи ВКД.

Ин ҷиноят дар моҳи июни соли 2014 рух дода, додгоҳ ҳамакнун ҳукми худро дар қиболи муҷримон эълон кардааст.

Ба навиштаи сомона, Наҷмиддин Исматов дар моҳи апрели соли гузашта аз Русия таппончаи навъи "Макаров" харида, ба Тоҷикистон меорад. Дар моҳи июни ҳамон сол, бо бародараш Сайриддин Исматов ба бозори фурӯши мошинҳо — воқеъ дар маҳалли "Гипрозем"-и Душанбе меравад. Он ҷо Хурсандмурод Раҷабовро пайдо мекунанд, ки мехост мошини "Хундай-Туксон"-ашро бифурӯшад.

Бародарон Хурсандмуродро ба ноҳияи Варзоб — маҳалли истиқоматашон мебаранд ва бо ҳадафи мусодираи маблағҳояш ӯро бо таппонча қатл мекунанд.

Баъдан, ҷасади Раҷабовро ба кӯчаи Алишери Навоии Душанбе оварда, оташ мезананд. Аммо "бино бар нарасидани ҳаво" мошин намесӯзад. Субҳи рӯзи дигар сокинони маҳаллӣ ҷасади Раҷабовро дар дохили мошини нимсӯхта пайдо мекунанд.

Гуруҳи тафтишотӣ муайян мекунад, ки дар қатли Хурсандмурод бародарон Исматовҳо даст доранд.

Барчаспҳо:
тоҷир, қатл, ҷиноят, "Макаров", ҳукм, додгоҳи Душанбе, ВКД, Хурсандмурод Раҷабов, Наҷмиддин Исматов, Варзоб

Мавзӯъҳои асосӣ