19:42 22 майи 2019
Пахши мустақим
  • USD9.44
  • EUR10.55
  • RUB0.15
Бузургмеҳр Ёров. Акс аз бойгонӣ

ВКД адвокат Бузургмеҳр Ёровро бо “қаллобӣ” муттаҳам мекунад

© Страница Бузургмехра Ёрова в Facebook
Таҳқиқ
Гирифтани линки кӯтоҳ
9 0 0

Вазорати умури дохилии Тоҷикистон аз боздошти адвокати тоҷик Бузургмеҳр Ёров бо иттиҳоми “қаллобӣ” ва тақаллуби аснод хабар медиҳад.

ДУШАНБЕ, 29 сен — Sputnik. Шаҳрванд Ёров Бузургмеҳр Равшанович бо роҳи қаллобӣ аз шаҳрвандон маблағҳои махсусан калони пулиро тасарруф намудааст, иттилоъ медиҳад дафтари матбуотии ВКД.

"Нисбат ба Бузургмеҳр Ёров, раҳбари Коллегияи адвокатҳои "Сипар" бо дастрасии моддаҳои 140, қ.6 м.145 ва 146 Кодекси мурофиаи ҷиноятӣ ва ва моддаҳои 247 (қаллобӣ) ва 340 (сохтакорӣ) Кодекси ҷиноятӣ парвандаи ҷиноятӣ боз гардидааст",-омадааст дар хабари сарчашма.

ВКД Бузургмеҳр Ёровро ба он муттаҳам мекунад, ки  "бо роҳи қаллобӣ аз шаҳрвандон маблағҳои махсусан калони пулиро тасарруф намудааст".

Манбаъ меафзояд, адвокати боздоштшуда тахминан моҳи июли соли 2010 ба боварии шаҳрванд Бозоров Комилҷон, сокини шаҳри Истаравшан, кӯчаи Ғозиев, хонаи № 43 даромада, суйистифода аз ҳолати оҷизӣ ва вазъияти шадиди ноилоҷии охирин, ваъда додааст, ки бинобар доштани шиносҳои зиёд дар мақомотҳои ҳифзи ҳуқуқ ва судӣ, метавонад писари охиринро, яъне Бозоров Дилшод Қомилҷоновичро, аз ҷавобгарии ҷиноятӣ бо моддаи 32 қисми 3 (суиқасди ҷиноят), 104 қисми 2 банди "ё" (одамкушӣ) КҶ Ҷумҳурии Тоҷикистон озод намояд.

"Сипас, аз дасти Бозоров К. маблағи баробар ба 4000 (чор ҳазор) доллари ИМА-ро гирифта, ба манфияти худ сарф намуда, ягон кӯмаки ҳуқуқӣ нарасонидааст".

ВКД аз дигар шаҳрвандон низ хоҳиш кардааст, ки "агар бо кирдорҳои ҷинояткоронаи худ  Ёров Б.Р. бо чунин роҳ маблағ ситонида бошад ё зарар расонида бошад, метавонанд муроҷиат кунанд.

Вакилони мудофеъ қаблан гуфта буданд, ки раиси Кумитаи дифоъ аз боздоштшудаҳои ҲНИТ Бузургмеҳр Ёров аз сӯи мақомоти интизомӣ боздошт шудааст. Ӯ дирӯз барои бозпурсӣ ба идораи пулис даъват шуда буд.

Барчаспҳо:
Бузургмеҳр Ёров, Ёров, боздошти ҳуқуқшинос Ёров, Рёсати мубориза бо ҷинояти мутташакили ВКД, Кумитаи дифоъ аз боздоштшудаҳои ҲНИТ, ВКД ҶТ, Комилҷон Бозоров, Дилшод Бозоров, Бузургмеҳр Ёров, Истаравшан, Душанбе, Тоҷикистон

Мавзӯъҳои асосӣ