ВКД: табибон марги Умаралиро “вируси шадиди респираторӣ” мегӯянд

© SputnikБинои ВКД ҶТ. Акс аз бойгонӣ
Бинои ВКД ҶТ. Акс аз бойгонӣ - Sputnik Тоҷикистон
Обуна шудан
Дар ҳамин ҳол, рӯзи гузашта теъдоде аз шаҳрвандони Тоҷикистон дар назди бинои консулгарии Русия дар Ню-Йорки ИМА бо баргузории ҳамоиши эътирозӣ аз раиси ҷумҳур Русия хостаанд, шахсан ба ин қазия расидагӣ кунад.

ДУШАНБЕ, 28 окт — Sputnik. Вазорати умури дохилаи Тоҷикистон эълом кард, ки бинобар "бозтоби калони ҷамъиятӣ" гирифтани қазияи марги Умаралӣ Назарови панҷмоҳа дар Санкт-Петербург дар якҷоягӣ бо Вазорати корҳои дохилии Русия таҳқиқи қазияро идома медиҳад.

Ҳамзамон, дар иттилоъияи ин мақомот, ки имрӯз ба нашр расид, сабаби марги тифли тоҷикистонӣ бар пояи ташхиси табибони рус "вируси шадиди респираторӣ" унвон шудааст.

Намояндаи расмии Вазорати корҳои хориҷии Русия Мария Захарова. Акс аз бойгонӣ - Sputnik Тоҷикистон
ВКХ-и Русия: марги Умар бо диққат таҳқиқ мешавад

"Умаралӣ Назаров 13 октябри соли ҷорӣ, соати 14:15, аз шӯъбаи пулиси РВКД Русия дар ноҳияи Адмиралтейскии шаҳри Санкт-Петербург ба Маркази тиббӣ ва эҳёгарии иҷтимоии кӯдакони ба номи В.В.Симбалина фиристода шуда, 14 октябр, соати 00:30, аз рӯи хулосаи тиббӣ аз вируси шадиди респиратории сироятӣ фавтидааст",- омадааст дар хабари нашршуда дар сомонаи ВКД ҶТ.

Ба иттилоъи дафтари матбуотии ВКД,  дар ҳоли ҳозир Сарраёсати тафтишотии Кумитаи тафтишотии Русия дар робита ба марги Умаралӣ Назаров бар асоси қисми 2-и моддаи 109-и Кодекси ҷиноии Русия, моддаҳои 140, 145 ва 146 (147) ва қисми якуми моддаи 156-и Кодекси мурофиавии ҷиноятии Русия парванда боз карда, тафтишотро идома медиҳад.

Дар ҳамин ҳол, рӯзи 27 октябр теъдоде аз шаҳрвандони Тоҷикистон дар назди бинои консулгарии Русия дар Ню-Йорки Амрико бо баргузории ҳамоиши эътирозӣ аз раиси ҷумҳур Русия Владимир Путин хостаанд, шахсан ба ин қазия расидагӣ кунад. Дар аксу наворҳое, ки аз ин ҳамоиш бардошта шудааст, дида мешавад як гурӯҳ асосан ҷавонон дар даст навиштаҳои "Адолат мехоҳем", "Адолат барои Умар" ва "Ҳамаи мо Умар ҳастем"-ро доранд.

Ин гурӯҳи эътирозгарон мегӯянд, ҳарчанд ба наздашон касе аз намояндагони консулгарии Русия дар Ню-Йорк набаромад, вале онҳо дар баёнияи расмии худ гуфтаанд, ки ҷудо кардани тифли панҷмоҳа аз модараш кори ғайриқобили қабул ва ғайриқонунӣ буд ва бояд омилони марги ӯ ба ҷавобгарӣ кашида шаванд.

Бахши навбатдорӣ. Акс аз бойгонӣ - Sputnik Тоҷикистон
Пулиси Санкт-Петербург: дар марги Умари 5-моҳа гунаҳкор нестем

Маврид ба ёдоварист, тифли панҷмоҳаи тоҷик- Умаралӣ Назаров рӯзи 13 октябри соли ҷорӣ, баъд аз боздошти модараш Заррина Юнусова бо иттиҳоми нақзи муқаррароти буду бош даргузашт. Ин ҳодиса вокуниши  ҷиддии ҷомеаи шаҳрвандӣ дар Тоҷикистон ва ҳам Русияро ба бор овард.

Зимнан, пулиси Санкт-Петербург, ки гунаҳкор будани кормандонашро дар марги Умаралии панҷмоҳа рад карда буд, порае аз сабти дурбини назоратиро дар ихтиёри ВАО гузоштааст, ки дар он ба қавли кормандони мақомот аз Умаралӣ хуб нигоҳубин шудааст.

Гуфта мешавад, дар навор кӯдаки панҷмоҳаи тоҷик- Умаралӣ қабл аз маргаш аст.

 



Кулли матолиби марбут ба қазияи марги Умаралӣ Назаровро бо ангушт задан аз ин нишонӣ дарёфт карда метавонед>>

Лентаи хабарҳо
0