09:06 20 октябри 2018
Пахши мустақим
  • USD9.43
  • EUR10.82
  • RUB0.14
Ҷузвдон, акс аз бойгонӣ

Вакили мардумӣ ва муовини раиси ноҳия дар қаллобӣ айбдор мешавад

© Sputnik / Сергей Гунеев
Таҳқиқ
Гирифтани линки кӯтоҳ
854 0 0

Ожонси мубориза бо фасод дар Тоҷикистон Маҳмадсолӣ Баротов, вакили халқ ва муовини раиси ноҳияи Шаҳритӯсро дар қаллобӣ айбдор мекунад

ДУШАНБЕ, 9 окт — Sputnik. Тибқи иттилои Ожонсӣ, Баротов аз соли 2015 вакили Маҷлиси вакилони халқи ноҳия ва аз майи соли 2012 то инҷониб дар вазифаи муовини раиси ноҳияи Шаҳритӯс фаъолият карда, бо истифодаи мақоми хизматӣ қаллобӣ кардааст.

Манбаъ мегӯяд, моҳи марти соли 2011 шаҳрвандон Сангаков Фозилбек Додарбекович ва Сангаков Ғолибшо Додарҷонович барои ҳуҷҷатгузории замини наздиҳавлигиашон ба Баротов муроҷиат кардаанд.

“Баротов тайи солҳои 2011-2018 бо Сангаковҳо  дар ҳудуди ноҳияи Шаҳритӯс вохӯрда, аз онҳо бо ваъдаи ҳуҷҷатгузорӣ ва  додани сертификати ҳуқуқи истифодаи замин, ки ба доираи ваколатҳои мансабиаш дохил намешавад, дар панҷ холат 6200 сомониро гирифта, ба манфиати худ сарф кардааст”, - омадааст дар иттилоия.

Ожонсӣ афзуд, ки алайҳи Баротов Маҳмадсолӣ барои қаллобӣ парвандаи ҷиноӣ оғоз гардида, тафтишот идома дорад.

Мавзӯъҳои асосӣ