Ҳабси ҷавоне, ки 180 000 сомонии сокини ноҳияи Ишкошимро гирифт

© Sputnik / Михаил Воскресенский / Гузариш ба медиабонкЗадержание, наручники
Задержание, наручники - Sputnik Тоҷикистон
Обуна шудан
Вазорати умури дохилаи Тоҷикистон аз ҳабси ҷавоне хабар медиҳад, ки 180 000 сомонии занеро аз худ карда бар нагардонидааст

ДУШАНБЕ, 14 апр - Sputnik. Мақомот мегӯяд, ҷавони 22-солаи сокини Душанбе ба боварии сокини ноҳияи Ишкошим даромада, аз ӯ 180 ҳазор сомонӣ гирифтааст.

"Зани 42-солаи сокини ноҳияи Ишкошим, шикоят кадааст, ки моҳи майи соли 2018, ҳангоми дар кӯчаи Мушфиқии шаҳри Душанбе қарор доштанаш, ҷавони 22-солаи сокини кӯчаи мазкур, бо роҳи фиреб ба бовариаш даромада, аз ӯ 180.000-сомонӣ гирифта, то ҳол маблағашро барнагардонидааст". 

Ҳамчунин, ба ШВКД дар шаҳри Ҳисор марди 43-солаи сокини ҷамоати деҳоти Дурбати ҳамин шаҳр, бо ариза муроҷиат намудааст.

Ӯ гуфтааст, ки соли 2015, марди 36-солаи сокини кӯчаи Саъдии Шерозии пойтахт, бо роҳи фиреб ба бовариаш даромада аз ӯ 1-адад автомашинаи тамғаи “Прадо”-ро ба маблағи 30.000-доллари амрикоӣ нархгузорӣ намуда гирифта, то ҳол маблағашро барнагардонидааст. 

Сокини ноҳияи Ишкошим дар сархати ронандагони ҷаримагурез: рӯйхати ВКД

Вазорати умури дохила мегӯяд, ки айни замон нафарони тақаллубкор дар ҳабси пешакӣ қарор дошта, тафтишот дар ин самт идома дорад.

Лентаи хабарҳо
0