04:25 30 майи 2020
Пахши мустақим
  • USD10.27
  • EUR11.42
  • RUB0.14
Таҳқиқ
Гирифтани линки кӯтоҳ
428 0 0

Вазорати умури дохилаи Тоҷикистон аз боздошти ду ҷавоне хабар медиҳад, ки ба манзилҳои сокинони пойтахт даромада молу мулкашонро рабудаанд

ДУШАНБЕ, 29 мар — Sputnik. Тибқи иттилои ВУД дар бора дузди ба ШВКД дар ноҳияи И.Сомонии шаҳри Душанбе зани 42-солаи сокини пойтахт муроҷиат намудааст.

Ӯ шикоят кардааст, ки рӯзи 27-уми марти соли 2020, тахминан соати 07:00, шахси номаълум бо роҳи пинҳонӣ ба хонаи истиқоматиаш даромада, аз дохили ҷевон ҷавоҳироти гуногуни тиллоиро дуздида, аз ҷойи ҳодиса ғайб задааст.

"Зарари расонидашуда 9 ҳазору 950 доллари амрикоиро ташкил медиҳад", - омадааст дар хабарнома. 

Бино ба гузориши ин ниҳод дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия ҷавони 23-солаи сокини ноҳияи Мастчоҳ бо гумони содир намудани кирдори дуздӣ дастгир карда шуд.

Руки в наручниках, архивное фото
Sputnik / Табылды Кадырбеков

Гуфта мешавад, ки феълан, гумонбаршаванда дар боздоштгоҳ қарор дошта, тафтишот идома дорад.

Инчунин, зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини шаҳри Панҷакент, ки пеш бо моддаи 244 Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани кирдори дуздӣ дастгир карда шуд.
Номбурда, санаи 25-уми марти соли 2020, тахминан соати 12:00, бо роҳи пинҳонӣ ба хонаи истиқоматии марди 53-солаи сокини ҳамин шаҳр даромада, аз он ҷо 500 қуттии сигори тамғаи "Эссе-ченҷ" ва 500 қуттии сигори тамғаи "Роза"-ро дуздида, аз ҷойи ҳодиса ғайб задааст. Зарари расонидашуда 10 ҳазор сомониро ташкил медиҳад.

Манбаъ афзуда, ки нисбати гумонбаршаванда парвандаи ҷиноятӣ бо моддаи 244 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.

Мавзӯъҳои асосӣ