Ба 500 шаҳрванди Тоҷикистон иҷозаи вуруди такрорӣ ба Русия дода шуд

© Sputnik / Кирилл Каллиников / Гузариш ба медиабонкБа муҳоҷирон дар маркази муҳоҷират патент дода мешавад. Акс аз бойгонӣ
Ба муҳоҷирон дар маркази муҳоҷират патент дода мешавад. Акс аз бойгонӣ - Sputnik Тоҷикистон
Обуна шудан
То имрӯз теъдоде аз шаҳрвандони Тоҷикистон бо кӯмак ва мусоидати вазорати меҳнати кишвар ва Хадамоти федералии муҳоҷирати Русия иҷозаи дубора сафар кардан ба ФР-ро дарёфт намудаанд.

ДУШАНБЕ, 3 июн — Sputnik. Беш аз 500 нафар шаҳрвандони Тоҷикистон ҳуқуқи вуруди дубора ба Русияро пайдо карданд, менависад сомонаи Хадамоти муҳоҷирати Тоҷикистон.

ФР барои нақзи реҷаи муҳоҷират манъи вуруд то 10 солро ҷорӣ менамояд

"Зиёда аз 500 нафар шаҳрвандони Тоҷикистон бо кўмак ва мусоидати бевоситаи вазири меҳнат, муҳоҷират ва шуғли аҳолии ҶТ Тағойзода Сумангул, роҳбарияти Хадамоти федералии муҳоҷирати Русия иҷозаи сафари дубора ба Русяиро дарёфт намуданд, инчунин донишҷуён ва муҳассилине, ки дар омўзишгоҳҳои ФР таҳсил менамуданд, чунин имтиёзро пайдо карданд",- қайд мешавад дар хабари манбаъ.

Ҳамзамон, бо  мақсади бартараф кардани мушкилот ва проблемаҳои муҳоҷирони меҳнатӣ ва он шаҳрвандоне, ки воридшавии онҳо ба ФР манъ карда шудааст, дар якҷоягӣ бо Вазорати меҳнат, муҳоҷират ва шуғли аҳоли ҶТ ва Хадамоти федералии муҳоҷирати Русия гурўҳи экспертӣ ташкил карда шуда, аз рўйи 5 категория (табақа) шаҳрвандон метавонанд ба Хадамоти муҳоҷират муроҷиат намоянд.

Лентаи хабарҳо
0