07:04 16 октябри 2019
Пахши мустақим
  • USD9.69
  • EUR10.67
  • RUB0.15
Выдача патентов в миграционном центре Московской области. Архивное фото

Даромади Маскав аз ҳисоби муҳоҷирон афзуд

© Sputnik / Кирилл Каллиников
Муҳоҷират
Гирифтани линки кӯтоҳ
107 0 0

Натиҷаи фаъолияти Маркази муҳоҷирати Маскав дар моҳи январ – майи соли ҷорӣ аз ҳавасмандии муҳоҷирони меҳнатӣ ба фаъолияти расмӣ дар иқтисоди шаҳр мегӯяд

ДУШАНБЕ, 27 июн — Sputnik. Бино ба иттилои Шӯбаи сиёсати иқтисодӣ ва рушди шаҳри Маскав, дар панҷ моҳи соли ҷорӣ ба буҷаи шаҳр аз ҳисоби  иҷозатномаҳои кор ё патент ба муҳоҷирон беш 7,7 миллиард рубл ворид шудааст.

Манбаъ таъкид кардааст, ки ин нишондиҳанда нисбат ба ҳамин давраи соли гузашта 26 дар сад зиёд аст.

"Натиҷаи фаъолияти Маркази муҳоҷирати Маскав дар моҳи январ – майи соли ҷорӣ аз ҳавасмандии муҳоҷирони меҳнатӣ ба фаъолияти расмӣ дар иқтисоди шаҳр мегӯяд", — гуфтааст сардори департамент Владимир Ефимов.

Вай афзуд, дар панҷ моҳи соли ҷорӣ марказҳои муҳоҷират ба муҳоҷирони меҳнатӣ 208 ҳазор иҷозатномаи кор додаанд. Мувофиқи ҳисобҳо дар як рӯз марказҳои муҳоҷират зиёда аз 1,5 ҳазор патент медиҳанд.

Қаблан хабар дода шуда буд, ки раисҷумҳури Русия Владимир Путин ба Вазорати корҳои дохила ва Вазорати меҳнат  супориш дод, ки дар Русия барои шаҳрвандони хориҷ тартиби гирифтани диҷозатномаи иқомати муваққатӣ ва иҷозатномаи иқомат босон карда шавад.

Чораҳои мазкур барои шахсоне қабул шудааст, ки забони русиро медонанд ва дар мехоҳанд дар Русия кору зиндагӣ кунанд.

Тартиби мазкур аз 1 январи соли 2020 ҷорӣ хоҳад шуд.

Ин ҳам дар ҳолест, ки тақрибан 52 дарсади узви хонаводаҳои тоҷик аққалан як маротиба ба хотири дарёфти маблағ ба Русия сафар кардаанд. Аксарияти муҳоҷирони меҳнатии тоҷик (98 дар сад), новобаста аз он, ки шароити будубоши онҳо дар Русия сангинтар мешавад, Русияро интихоб кардаанд.

Афзоиши теъдоди ихроҷшудагоне, ки қонунҳои муҳоҷиратиро вайрон кардаанд, ба зиёдшавии теъдоди муҳоҷирони расмӣ дар Русия, то 77 дарсад мусоидат кардааст.

Коршиносон афзоиши муҳоҷирони меҳнатӣ аз кишварҳои узви Иттиҳоидияи иқтисодии АвруОсиёро, ки фаъолияти онҳо дар Русия нисбат ба муҳоҷирони дигар кишварҳо осонтару бартарӣ дорад, ба қайд гирифтаанд.

Барчаспҳо:
патент, муҳоҷират, муҳоҷир, иҷозатнома, тоҷик, Тоҷикистон, Тоҷикистон, Русия

Мавзӯъҳои асосӣ