Зани муҳоҷирро мардони муҳоҷир лату кӯб ва таҷовуз карда, аз ошёнаи севум партофтанд

© Sputnik / Табылды КадырбековНасилие над женщинами, архивное фото
Насилие над женщинами, архивное фото - Sputnik Тоҷикистон
Обуна шудан
Як зодаи Узбакистон пас аз таҷовуз шудан ба бемористон интиқол ёфт. Дар ҳоле, ки табибон барои барқарор кардани саломатии зан талош мекарданд, хешвандонаш ӯро аз бемористон дуздиданд

ДУШАНБЕ, 16 авг — Sputnik. Дар Санкт-Петербург як духтари узбекро, ки пас аз дастдарозии чанд ҳамватанон ба номусаш ба бемористон оварда шуда буд, аз беморхона дуздиданд. Дар ин бора расонаҳои маҳаллии Сант-Петербург хабар медиҳанд.

Бино бар иттилои манобеъ, хешвандони ҷавонзан ӯро аз беморхона дуздида, дар ҳуҷрае маҳкам карда, аз вай талаб карданд, ки аризаашро аз мақомоти полис бозпас гирад.

Афзун бар ин, онҳо бо роҳи фиреб духтарро маҷбур кардаанд, ки ихтиёран аз идома табобат дар бемористон даст мекашад.

Арест гражданина Таджикистана Умара Махмадиева - Sputnik Тоҷикистон
Муҳоҷири тоҷик духтараки 15-солаи русро таҷовуз кард

Онҳо духтарро дар ароба андохта аз бемористон баровардаанд ва дар ҳолати беҳушӣ дар манзиле ҷойгир карданд.

Бино бар иттилои мақомоти Санкт-Петербург, дар ин кор ду зани зодаи Узбакистон ва як марди 30-солаи тоҷик даст доштаанд.

Онҳо боздошт шуда, тафтишот идома дорад.

Ёдрас мешавем, фоҷиаи таҷовуз ба номуси зани узбек дар меҳмонхонаи Санкт-Петербург сурат гирифт: чор шаҳрванди Узбакистон, ки аз 19 то 25 сол доштаанд, дар ҳуҷрае  бо зани узбек шаробнӯшӣ карда, сипас духтарро лату кӯб кард ва таҷовуз кардаанд. Афзун бар ин, онҳо духтарро аз ошёнаи севум партофтаанд.

Дар натиҷа, зан бо ҷароҳатҳои зиёд ба бемористон интиқол меёбад.

Мақомоти Русия муттаҳамонро боздошт ва тафтишотро идома медиҳад.

Лентаи хабарҳо
0