Будубоши бе қайд: Қазоқистон ба тоҷикистониён сабукиҳо дод

© © Sputnik Визит Эмомали Рахмона в Астану на переговоры с президентом Казахстана Нурсултаном Назарбаевым
Визит Эмомали Рахмона в Астану на переговоры с президентом Казахстана Нурсултаном Назарбаевым - Sputnik Тоҷикистон
Обуна шудан
Парлумони Қазоқистон се созишнома бо Тоҷикистон дар бахши муҳоҷират ва ҳузури шаҳрвандони тарафайн дар қаламрави ҳамдигарро ба тасвиб расонд, ки баъди имзо аз сӯи раисиҷумҳур Нурсултон Назарбоев мавриди амал қарор мегиранд

ДУШАНБЕ, 17 янв — Sputnik. Калмуханбет Қосимов, вазири умури дохилии Қазоқистон имрӯз зимни муаррифии созишномаҳо зикр кард, ки ҷониби Тоҷикистон онҳоро тобистони соли гузашта ба тасвиб расонд.

Парламентские выборы в Таджикистане - Sputnik Тоҷикистон
Гарон, куҳна, камёфт: вакил дар Суғд паёми раисиҷумҳурро гуфту гилаи сокинонро шунид

Ба гуфтаи вазири қазоқ созишномаҳои ҷадид бо Тоҷикистон имкон медиҳанд, ки раванди муҳоҷират танзим гардад, табодули иттилоъ сурат гирад.

Сомонаи расмии Zakon.kz аз қавли Қосимов иттилоъ дод, ки бар асоси созишномаҳо шаҳрвандони Тоҷикистону Қазоқистон ҳуқуқ пайдо мекунанд, ки тайи 30 рӯз бидуни қайди иқомат дар қаламрави тарафайн ҳузур дошта бошанд. Инчунин созиш шудааст, ки шаҳрвандони ду кишвар ҳуқуқи будубош то 90 рӯз бо қайди ҳатмӣ баъди убури марзро соҳиб мешаванд.

Тоҷикистону Қазоқистон инчунин барои баргардондани шаҳрвандоне, ки тартиби будубошро нақз мекунанд, созиш кардаанд.

Выборы в Афганистане - Sputnik Тоҷикистон
Истирдоди 40 ифротии тоҷик аз Афғонистон ба Тоҷикистон

Вазири умури дохилии Қазоқистон дар ҷаласаи парлумони кишвараш гуфт, созишномаҳо бо Тоҷикистон барои мубориза бо муҳоҷирати ғайриқонунӣ мусоидат карда, ҳеч пайомади манфии иҷтимоӣ, иқтисодӣ ва ҳуқуқӣ надоранд.

Созишномаҳои мазкур баъди имзо аз ҷониби раисиҷумҳури Қазоқистон мавриди амал қарор мегиранд.

Қаблан сенатор Владимир Волков, зимни баррасии созишномаҳо гуфт, тайи 11 моҳи соли 2018, 492 ҳазору 287 шаҳрванди Тоҷикистон вориди Қазоқистон шуда, 489 ҳазору 865 нафар хориҷ шудаанд.

“Муваққатан дар Қазоқистон 56 ҳазору 396 нафар ба қайд гирифта шудаанд, ки аз ин 33 ҳазору 273 нафар бо корҳои шахсӣ, 10120 ба ҳайси сайёҳ ва 10072 нафар бо мақсади кор сабт шудаанд. Бештари шаҳрвандони Тоҷикистон муваққатан дар шаҳр ва вилояти Алмато ва шаҳри Остона ба қайд гирифта шудаанд ”, - иттилоъ дода буд Волков.

Посол Таджикистана Парвиз Давлатзода в Китае пообщался с юными журналистами - Sputnik Тоҷикистон
Сафири Тоҷикистон дар Пекин ҳамкорӣ бо Кореяи Шимолиро баррасӣ кард

Омори зиёди вуруд ва берун шудани шаҳрвандони Тоҷикистон дар Қазоқистон дар ҳолест, ки бисёри муҳоҷирони тоҷик баъди се моҳи ҳузурашон дар Русия бояд марзро убур намоянд ва барои ин кор аксаран ба Қазоқистон сафар мекунанд. Муҳоҷирони меҳнатие, ки патент доранд, метавонанд тайи як сол бидуни убури марз дар Русия бимонанд, аммо бо гузашти як сол онҳо низ уҳдадоранд берун шаванд.

Бар асоси омори ироашуда дар Сенат, тайи 11 моҳ 3777 шаҳрванди Тоҷикистон барои нақзи қоидаҳои будубош дар Қазоқистон ба ҷавобгарии маъмурӣ кашида шуда, 691 нафар бардарға гардидаанд.

Лентаи хабарҳо
0