Муҳоҷири тоҷик навзоди семоҳаро, ки марди маст аз тиреза ҳаво дод, қапид - акс

© Архив Фахрутдина ЮсуповаФахрутдин Юсупов
Фахрутдин Юсупов - Sputnik Тоҷикистон
Обуна шудан
Фахриддин Юсупов, муҳоҷири 44-солаи тоҷик дар шаҳри Североуралск кӯдаки навзоди семоҳаеро, ки марди маст аз тиреза ҳаво додааст, қапиду ҷонашро наҷот дод

ДУШАНБЕ, 21 июн — Sputnik. Тибқи иттилои раёсати Кумитаи тафтишотии вилояти Свердловск, ҳодиса шоми 6 июн рух дода, шоҳиди 44-солаи ҳодиса, баъди шунидани садои шикастани шиша ва дидани марде бо кӯдаки хурдсол дар наздикии тиреза ба кумаки кӯдак шитофтааст.

Машина скорой помощи в России, архивное фото - Sputnik Тоҷикистон
Қадрдонии кӯдаки тоҷик барои наҷоти дӯсташ аз чоҳи оби ҷӯш дар Русия - видео

Наҷотдиҳанда, ки расонаҳои минтақавӣ аз ӯ Фахриддин Юсупов, падари 44-солаи се фарзанд аз Тоҷикистон ном мебаранд, баъди давидани тақрибан 20 метр тавонистааст, навзодро, ки марди маст аз тирезаи ошёнаи якум ҳаво додааст, қапад ва ҷонашро ҳифз кунад.

Мақомоти тафтишотӣ мегӯянд, муттаҳам бо иттиҳоми қасди ҷони кӯдаки хурдсол боздошт гардида, тафтишот идома дорад. Феълан муайян шудааст, ки замони рух додани ҳодиса модари кӯдак ба мағоза рафтаасту навзод бо марди маст танҳо монда будааст.

© акс аз сомонаи раёсати Кумитаи тафтишотии СвердловскТирезае, ки марди маст аз он кӯдаки семоҳаро ҳаво додааст
Муҳоҷири тоҷик навзоди семоҳаро, ки марди маст аз тиреза ҳаво дод, қапид - акс - Sputnik Тоҷикистон
Тирезае, ки марди маст аз он кӯдаки семоҳаро ҳаво додааст

Юсупов изҳор доштааст, модари ин кӯдакро, ки тақрибан 18-19-сола мебошад мешиносад.

“Ӯ бо шавҳараш зиндагӣ намекунад ва нафаре, ки кӯдакро аз тиреза ҳаво дод, ҳамсари ин зан набуд, марди бегона буд”, - изҳор доштааст Юсупов.

Мальчик катается на велосипеде - Sputnik Тоҷикистон
Кӯдаке, ки доим заифонро ҷонибдорӣ мекард: Бахтиёрро дар Хабаровск қадрдонӣ карданд

Табибон изҳор доштаанд, ки агар сохтмончӣ намебуд, афтидан аз тиреза, ки баландияш ҳудуди 2 метр мебошад, метавонист бо марги кӯдак анҷомад. Ба гуфтаи табибон танҳо майнаи сари навзод ҳангоми шикастани тиреза осеб дидааст, ки ҷарроҳӣ шудаасту баъди чанде аз беморхона ҷавоб дода хоҳад шуд.

Кумитаи тафтишотӣ изҳор доштааст, дар назар аст, ки Фахриддин Юсупов барои наҷоти кӯдаки навзод қадрдонӣ карда шавад.

Лентаи хабарҳо
0