18:14 23 июли 2019
Пахши мустақим
  • USD9.44
  • EUR10.59
  • RUB0.15
Ёрии таъҷилӣ, акс аз бойгонӣ

Тоҷикистон хостори пардохти ҷубронпулӣ ба муҳоҷирони заҳролудшуда дар Русия шуд

© Sputnik / Владимир Смирнов
Муҳоҷират
Гирифтани линки кӯтоҳ
257 0 0

Мақомоти Тоҷикистон хостори рӯёндани ҷуброни зарар аз корфармои муҳоҷирони заҳролудшудаи тоҷик дар Русия шудаанд

ДУШАНБЕ, 26 июн — Sputnik. Иброҳим Аҳмадов, сухангӯи намояндагии Вазорати меҳнат, муҳоҷират ва шуғли аҳолии Тоҷикистон дар Русия ба хабаргузории РИА Новости гуфтаст, ки ҳамаи заҳролудшудагон аз беморхона мураххас шудаанд.

“Феълан гуфтушунид барои пардохти ҷубронпулӣ аз ҷониби корфармо ба муҳоҷирони заҳролудшуда идома дорад. Ташхис дар муҳоҷирон кампилобактериоз – заҳролудшавии шадиди рӯдаю меъдаро ошкор кардааст”, - изҳор доштааст Аҳмадов.   

Сабаби заҳролудшавӣ истеъмоли гӯшт, шир ва оби ифлос арзёбӣ мешавад.

Иброҳим Аҳмадов афзудааст, ки “Роспотребнадзор” дар пайи заҳролудшавии гуруҳии муҳоҷирон фаъолияти ошхонаи иттиҳодияи истеҳсолии “Одинтсово”-ро то муайянсозии тамоми ҷузъиёти қазия мутаваққиф кард.

Ин дар ҳолест, ки охири ҳафтаи гузашта ҳудуди 50 нафар шаҳрванди Тоҷикистон дар шаҳри Одинтсоваи вилояти Маскав дар корхонаи истеҳсоли дару тиреза - ҶДММ “Одинсова” дар пайи истеъмоли ғизо заҳролуд шуда буданд.

Аз 50 муроҷиаткунанда 12 нафарашонро дар беморхона хобонда буданд ва феълан баъди табобат ҳама мураххас шудаанд.

Барчаспҳо:
пардохти ҷубронпулӣ, табобат, беморхона, заҳролудшавӣ, муҳоҷирон, Тоҷикистон-Русия

Мавзӯъҳои асосӣ