Коҳиши 27 дарсадии квота барои муҳоҷирони меҳнатӣ дар Русия

© iStock.com \ Oleg ElkovДвое мужчин в рабочей форме сидят на скамейке
Двое мужчин в рабочей форме сидят на скамейке  - Sputnik Тоҷикистон
Обуна шудан
Ҳукумати Русия тасмим гирифтаст, дар соли оянда наздики 105 ҳазор муҳоҷири меҳнатиро барои кор дар қаламрави ин кишвар ҷалб намояд

ДУШАНБЕ, 12 дек — Sputnik. Ҳукумати Русия ба миқдори тақрибан 105 ҳазор даъватнома барои воридшавӣ ва иҷозатномаи кор ба муҳоҷирони меҳнатӣ тасдиқ намудаст.

Бизнесмены в офисе - Sputnik Тоҷикистон
Дар Русия музди меҳнати муҳоҷирони баландихтисосро поён мебаранд

Бояд гуфт, ки имсол квота барои муҳоҷирони корӣ дар Русия нисбати соли гузашта наздики 27 дарсад коҳиш ёфтаст.

Соли 2019 квота барои 144,5 ҳазор муҳоҷир ҷудо гардида буд, ки нисбати як соли қаблӣ ҳудуди 20 дарсад камтар квота ихтисос дода шуд.

Қонуни нав дар Русия: ба киҳо гирифтани шаҳрвандӣ осон мешавад

Ҳамзамон соли 2020 низ миқдори квотаҳо барои муҳоҷирон коҳиш ёфта, нисбати соли равон наздики 27 фисад кам карда шуд.

Зимнан, бояд зикр намуд, ки соли равон ба хотири дарёфти кор ба қаламави Русия  ҳудуди 2,4 миллион нафар атбои хориҷӣ вуруд шудааст.

Аз ҳама беш шаҳрвандони ҷумҳуриҳои Узбакистон, Тоҷикистон, Қирғизистон ва Қазоқистон ба хотири муҳоҷират ба русия омадаанд.

Фармони Эмомалӣ Раҳмон барои квота ба коргарони хориҷӣ ва шарҳи Вазорати меҳнат

Ёдовар мешавем, ки муҳоҷирон аз Тоҷикистон, Қирғизистон, Узбакистон, Озарбойҷон ва Молдова ба Русия бидуни раводид меоянд.

Пештар хабар дода шуда буд, ки дар соли 2019 Русия шумораи бештари қувваи кориро аз кишварҳои дигар қабул мекунад. Афзоиши муҳоҷират дар моҳҳои январ-июли соли 2019 153,91 ҳазор нафарро ташкил додааст, ки нисбат ба ҳамин давраи соли 2018 қариб ду маротиба зиёд аст.

Лентаи хабарҳо
0