Путин ҷонибдорӣ кард: Русия ба муҳоҷирони кишварҳои узви ИИУО нафақа медиҳад

© Sputnik / Михаил КлиментьевПрезидент РФ Владимир Путин подписывает документ, архивное фото
Президент РФ Владимир Путин подписывает документ, архивное фото - Sputnik Тоҷикистон
Обуна шудан
Тибқи созишнома ҳар як кишвари узви Иттиҳоди Иқтисодии УрОсиё ҳаққи бознишастагиро мувофиқи қавонони кишвари худ ва таҷрибаи кории муҳоҷир муайян мекунад

ДУШАНБЕ, 14 дек — Sputnik. Президенти Федератсияи Русия Владимир Путин созишномаи таъмини сокинон-кормандони давлатҳои узви Иттиҳоди Иқтисодии УрОсиёро бо нафақа ҷонибдорӣ кард.

Қарори мазкур дар портали интернетии маълумоти ҳуқуқӣ нашр шудааст.

"Пешниҳоди ҳукумат дар бораи таъмини кормандони кишварҳои узви Иттиҳоди Иқтисодии УрОсиё бо ҳаққи бознишастагӣ қабул шуд", - омадааст дар хабарнома.

Дар баробари ин президент ба Вазорати меҳнат ваколат додааст, то зимни баррасии тарҳи ин қонун тавонад ба он тағйиру иловаҳо ворид кунанд.

Выдача первых патентов в Едином миграционном центре Московской области - Sputnik Тоҷикистон
Сенздаҳ миллиард рубли муҳоҷирон ба буҷаи шаҳри Маскав ворид шуд

Русия ба муҳоҷирон ҳаққи бознишастагӣ пардохт мекунад

Тибқи созишнома, ҳар як кишвари узви Иттиҳоди Иқтисодии УрОсиё ҳаққи бознишастагиро мувофиқи қавонони кишвари худ ва таҷрибаи кории муҳоҷир муайян мекунад.

Агар таҷрибаи кории муҳоҷир барои гирифтани ҳаққи бознишастагӣ камӣ кунад, дар чунин ҳолат таҷрибаи кории ӯ дар дигар кишвари узви Иттиҳоди Иқтисодии УрОсиё ба назар гирифта мешавад. Истисно ҳолатҳоест, ки таҷрибаи корӣ дар ҳарду кишвар дар як вақт сабт шуда бошад.

Дар баробари ин дар ҳуҷҷат гуфта мешавад, ки барои муайян кардани маъюбии шахс муоинаи тиббӣ тибқи қавонини кишвари вуруд баргузор карда мешавад.

Қарори муҳлат ва гурӯҳи маъюбӣ аз ҷониби комиссияи вижаи дахлдори кишвар қабул шуда, мувофиқи он ҳақии бознишастагии шахс муайян карда мешавад.

Иттиҳоди иқтисодии Уросиё 29 майи соли 2014 дар шаҳри Нурсултон бо қарори кишвардорони Русия, Беларус ва Қазоқистон таъсис ёфт.

Каме баъд ду кишвари дигар, Арманистон ва Қирғизистон ҳам ба иттиҳод пайвастанд. 

 

Имрӯз созмони Иттиҳоди иқтисодии Уросиё ин тақрибан-200 миллион аҳолӣ ва 14 дарсади хушкии заминро дар бар мегирад.

Лентаи хабарҳо
0