22:33 23 январи 2021
Пахши мустақим
  • USD11.30
  • EUR13.74
  • RUB0.15
Муҳоҷират
Гирифтани линки кӯтоҳ
125 0 0

Иброҳим бин Муҳаммад ал-Абдулло, сафири Қатар дар Тоҷикистон мегӯяд, рӯзҳои наздик ҳукуматҳои ду кишвар ҳамкориҳои иқтисодию тиҷоратиро баррасӣ хоҳанд кард

ДУШАНБЕ 18 дек - Sputnik. Иброҳим бин Муҳаммад ал-Абдулло дар изҳороташ ба муносибати Рӯзи миллии Қатар, ки 18 декабр таҷлил мешавад, аз дурнамои ҳамкориҳои Тоҷикистону Қатар суҳбат кардааст.

Ӯ иттилоъ додааст, рӯзҳои наздик интизор меравад, ҷаласаи чоруми Кумитаи муштараки иқтисодӣ, тиҷоратӣ ва техникӣ байни ҳукумати Қатар ва ҳукумати Ҷумҳурии Тоҷикистон баргузор шавад, ки ин як такони дигар барои рушди муносибатҳои кишварҳоямон ҳисобида мешавад.

“Мо саъй менамоем, ки муносибатҳои Қатар ва Тоҷикистон дар сатҳи муътадил ва пайваста рушд ёбанд ва дар тамоми соҳаҳое, ки мақоми ин ду кишвари дӯстро баланд мебардоранд, ҳамкорӣ намоем”, - хабар додааст “Ховар” аз қавли Муҳаммад ал-Абдулло.

Феълан аз лоиҳаҳои нисбатан маъруфи Тоҷикистону Қатар ин маҷмааи “Диёри Душанбе” ва калонтарин масҷиди ҷомеъи Душанбе мебошанд.

Тибқи иттилоияи расмӣ, муносибатҳои дипломатӣ байни Тоҷикистон ва Қатар 13 декабри соли 1994 барқарор шудаанд. Моҳи ноябри соли 2012 сафорати Қатар дар Душанбе ва моҳи майи соли 2013 Сафорати Тоҷикистон дар Давҳа кушода шуд.

Барчаспҳо:
иқтисод, ҳамкорӣ, Тоҷикистон-Қатар, Тоҷикистон

Мавзӯъҳои асосӣ