05:44 26 феврали 2021
Пахши мустақим
  • USD11.30
  • EUR13.83
  • RUB0.15
Муҳоҷират
Гирифтани линки кӯтоҳ
869114

Ба ҷуз аз панҷ фарзанд Эраҷ дар Тоҷикистон низ оиладор шуда буд, ва занаш ҳамроҳ бо ду фарзанди муштараки онҳо аз ӯ ҷудо шуд

ДУШАНБЕ, 7 фев — Sputnik. Қаҳрамони барномаи “Мужское /Женское”, ки рӯзи 4 феврал тариқи телевизион намоиш дода шуд, саргузашти муҳоҷир аз Тоҷикистон бо номи Эраҷ Шариповро нақл мекард.

Барнома нахуст аз ҳодисаи даҳшатбор, ки бо панҷ фарзанди ноболиғи Шарипов дар вилояти Перм иттифоқ афтод, шурӯъ шуд.

Дар набудани модари кӯдакон дар манзили зисти онҳо сӯхтор сар зад ва дари асосӣ низ аз берун бо калид маҳкам буд.

Бо имдоди ҳамсояҳо хушбахтона ҳар панҷ кӯдак наҷот ёфтанд.

Эраҷ Шарипов дар Перм солҳои зиёд зиндагӣ ва кор мекунад. Ӯ дар ин ҷо бо Зинаида ном зан хонадор мешавад ва онҳо соҳиби панҷ фарзанд гардиданд.

Барои муҳоҷирони рафта ва баргашта: дар Душанбе Маркази захираҳои муҳоҷират таъсис меёбад

Ба нақли Шарипов ҳамсараш машруботро зиёд истеъмол мекунад ва сабаби аз ҳам ҷудо шуданро ӯ маҳз ба майнӯшии занаш рабт медод. Вале Зинаида изҳр дошт, ки собиқ шавҳараш ба ӯ дар тарбияи фарзанд кӯмак намекунад ва бараъкс онҳоро зери мушт қарор медод ва гӯё аз ин рӯ падари фарзандонашро аз хона пеш кард.

Эраҷ пас аз ҷудо шудан аз ҳамсари худ, ба Тоҷикистон рафтаву он ҷо низ хонадор шудааст. Аз зани тоҷики худ ҳарчанд соҳиби ду фарзанд шуд, вале зиндагии онҳо омад накард ва занаш аз ӯ ҷудо шуд.

Ҳоло Эраҷ бо духтари 16 – сола зиндагии муштарак дорад ва аз ӯ ҳатто соҳиби писарча шудааст. Пайвандони ҳамсари наваш аз интихоби ӯ комилан розӣ нестанд, вале зану ҳамсар исрор меварзанд, ки зиндагии хушу ободе доранд.

Аммо Юлия Барановская муҷрии ин барнома аз он изҳори нигаронӣ мекунад, ки Шарипов новобаста ба он, ки дар Перм занашро бо 5 фарзанд партофта рафту ҳамчунин ду кӯдаки дигари худро дар Тоҷикистон низ бе падар гузошт, ҳоло бо духтари ноболиғ зиндагӣ мекунад.

Қиссаи Эраҷ Шарипов ба чӣ анҷомид аз барномаи мазкур тамошо кунед.

Барчаспҳо:
навор, фарзанд, тоҷик, муҳоҷир, Перм

Мавзӯъҳои асосӣ