23:55 03 июни 2020
Пахши мустақим
  • USD10.28
  • EUR11.51
  • RUB0.15
Ахбор
Гирифтани линки кӯтоҳ
4702

Раисҷумҳури Тоҷикистон Эмомалӣ Раҳмон ва вазири федеролии обу энержӣ ва дифоъи Покистон Хоҷа Муҳаммад Осиф ҳамкориҳои ду кишварро баррасӣ карданд

ДУШАНБЕ, 17 мар — Спутник. Бино ба гузориши Хадамоти матбуоти раисҷумҳурӣ, дар мулоқоте, ки имрӯз дар Кохи миллат баргузор шуд, Эмомалӣ Раҳмон ва Хоҷа Муҳаммад Осиф бар рушди ҳамкориҳои ду кишвар дар заминаҳои энержӣ ва амният таъкид карданд.

Тарафайн ҳамкориҳои дифоъӣ ва низомиву амниятии ду кишвар дар мубориза бо теруризм ва ифротгароиро муҳим арзёбӣ карданд.

Дар ин мулоқот масоили ҳамкорӣ дар бахшҳои муҳимми минтақаӣ — энержӣ, нафту гоз, зерсохторҳои иқтисодӣ ва таробарӣ низ баррасӣ шуда ва бар густариши ҳакорӣ дар ин заминаҳо, аз ҷумла иҷрои тарҳи КАСА-1000, таъкид шуд.   

Пешниҳод шуд, ки барои афзудани ҳаҷми мубодилаи коло миёни кишварҳо, бо таваҷҷуҳ ба имконоти фаровон дар ин замина, аз тавонмандиҳои Комисюни ҳамкориҳои иқтисодиву бозаргонии ду кишвар бештар истифода шавад.

Барчаспҳо:
дифоъ, об, энержӣ, ҳамкорӣ, мулоқот, Хоҷа Муҳаммад Осиф, Эмомалӣ Раҳмон, Покистон, Тоҷикистон

Мавзӯъҳои асосӣ