ДУШАНБЕ, 11 ноя — Sputnik. Шуъбаи корхонаи давлатии "Центррегионжилье"-и Русия дар Душанбе натиҷаи кори панҷсолаашро ҷамъбаст кард, хабар дод Ҳавзаи марказии низомии Русия, ки пойгоҳи 201 дар Тоҷикистон низ тобеи он мебошад.
“Шуъба, вазифаҳои иҷтимоии худро дар назди хизматчиёни низомӣ ва оилаҳои онҳо дар масъалаи таъмин бо манзили зист иҷро карда, зиёда аз 3 ҳазор низомӣ бо хонаҳои истиқоматӣ таъмин гардиданд”, - изҳор доштааст роҳбари шуъбаи минтақаваии "Центррегионжилье", Татяна Қодирова.
Ба гуфтаи ӯ зиёда аз 2 ҳазор оилаи низомиёни пойгоҳи 201 -уми Русия дар Тоҷикистон бо хонаҳои хизматӣ, қариб 150 оила бо хонаҳои доимӣ ва 500 хизматчии низомӣ бо шаҳодатнома барои гирифтани хона тариқи низоми махсуси захиравӣ-ипотекӣ таъмин шудаанд.
Пойгоҳи низомии 201-уми Русия дар 2 шаҳри Тоҷикистон - Душанбе ва Бохтар ҷойгир буда, бар асоси шартномае, ки соли 2012 миёни Тоҷикистону Русия имзо шуд, муҳлати ҳузури пойгоҳ то соли 2042 тамдид гардид.
