Ба гуфти намояндаи парлумони Тоҷикистон, интихоботи раисҷумҳури Русия тибқи қонунгузории Русия гузаштааст.
"Дар воқеъ табъи хуши мардум ба ман хеле писанд омад. Мо дидем, ки онҳо бо оилаҳо ва кӯдакони хеш ба овоздиҳӣ меоянд. Бо нозирони кишварҳои дигар мо сӯҳбат доштем, мулоҳизоти вижаеро аз онҳо нашунидем", — иттилоъ дод Хайрулло Асозода ба Sputnik Тоҷикистон.
Ӯ таъкид кард, ки ташкилкунандагон вазифаи худро хеле масъулиятнок анҷом доданд. Нозир инчунин омили дигареро қайд кард, ки дар ин интихобот як навоварии муҳиме буд — овоздиҳӣ аз рӯи макони зист.
"Ман чунин фикр мекунам, ки агар ин таҷриба худро аз ҷиҳати мусбӣ нишон диҳад, онро метавон дар Тоҷикистон ҳам татбиқ кард", — зикр кард Хайрулло Асозода.
Тафсилоти бештарро дар шакли овозӣ гӯш кунед.
