23:33 21 октябри 2019
Пахши мустақим
  • USD9.70
  • EUR10.83
  • RUB0.15
Акс

Намоз, кӯдакон ва идгардак: таҷлили иди Қурбон дар Тоҷикистон (АКС)

Гирифтани линки кӯтоҳ
366 0 0
  • Тоҷикистониён барои адои намози ид ба масҷид меоянд
  • Иди Қурбон яке аз ду идҳои асосии мусалмонон аст, ки дар рӯзи даҳуми моҳи Зулҳиҷҷа таҷлил мешавад
  • Дар масҷиди марказии Душанбе ҳазорҳо сокинон ҷамъ омаданд
  • Дар намози ид мусалмонон аз Худованд дархости мағфирати гуноҳҳояшонро мекунанд
  • Масҷидҳои кишвар назар ба дигар рӯзҳо пур аз сокинон аст
  • Намози ид субҳи барвақт оғоз мешавад
  • Имсол Кумитаи дин эълом кард, ки исрофкорӣ дар иди Қурбон мамнӯъ буда, рейд ташкил мешавад
  • Ҳамчунин алайҳи савдогарони гаронфурӯш низ рейдҳо ташкил шуданд
  • Ба кадбонуҳо тавсия дода шудааст, ки дастархонҳоро бо меваҷоти ватанӣ ороста, кулчақандҳоро худашон пазанд
  • Кӯдакон ба манзилҳои наздикону ҳамсояҳо рафта, бо ид табрик мекунанд ва ҳадяҳо мегиранд
  • Одатан онҳо Иди нав муборак гӯён ба манзилҳои одамон медароянд
  • Дар иди Қурбон либоси нав пӯшидан савоб гуфта мешавад
  • Зани тоҷик дар интизори меҳмонони хурдакак
© Sputnik / Амир Исаев
Тоҷикистониён барои адои намози ид ба масҷид меоянд

Субҳи имрӯз тамоми масҷидҳои шаҳри Душанбе, хусусан масҷиди марказии пойтахт пур аз намозгузорон буд: мардум ба адои намози ид мешитофтанд

Баъди намози ид одамоне, ки тавони қурбонӣ доранд, қурбонӣ мекарданд. Занон дастархони идона ороста, меҳмон пешвоз мегирифтанд. Кӯдакон бошанд ба манзилҳои ҳамсоягону наздикон ба идгардак мерафтанд.

Пештар Кумитаи умури дин ва танзими анъанаи Тоҷикистон аҳолиро ҳушдор дод, ки имсол дар иди Қурбон барои роҳ додан ба исрофкорӣ сокинон ҷарима мешаванд.

Ҳаҷми ҷарима барои ашхоси воқеӣ 5 ҳазор сомонӣ муайян шудааст.

Намояндагони кумита ба сокинони кишвар тавсия додаанд, ки дастархони одӣ густурда,  онро бо меваҷоти ватанӣ ва кулчақандҳои кадбонуҳои тоҷик оро диҳанд.

Афзун бар ин, имсол дар дар кишвар барои пешгирӣ аз боло рафтани нархи маҳсулот рейд ташкил хоҳад шуд.

Дар ҳолати худсарона ва беасос боло бурдани нарх аз ҷониби фурӯшандагон ё исрофкорӣ аз ҷониби сокинон дар иди Қурбон  далелҳо ба қайд гирифта шуда, ба додгоҳ шикоят фиристода мешавад.

Дар натиҷа, додгоҳ ҳаҷми ҷаримаро муайян хоҳад кард.

Барчаспҳо:
идгардак, Иди Қурбон, таҷлил, Душанбе, Тоҷикистон

Аксҳои бештар

Мавзӯъҳои асосӣ