04:59 13 декабри 2019
Пахши мустақим
  • USD9.68
  • EUR10.78
  • RUB0.15
  • Гористсихе - қалъа дар шаҳр
  • Қалъа дар асри 13 сохта шуда,  яке аз ёдгориҳои торихӣ дар Гурҷистон аст
  • Дар ин шаҳр акси Сталинро дар ҳама ҷо метавон вохӯрд. Ҳатто аз  девори мағозае рафиқ Сталин ба сокинону меҳмонон менигарад
  • Осорхонаи давлатии Иосиф Сталин дар Горӣ
  • Вагони шахсии роҳи оҳани Иосиф Сталин. Дохили он тағйир наёфтааст
  • Хонае, ки дар он Иосиф Виссарионович Ҷугашвили таваллуд шудаву 4 сол зиндагӣ кардааст
  • Дар ҳудуди хона-музей тандиси хурдакаки Сталин нигоҳ дошта шудааст. Пайкараи бузурги Сталинро соли 2010 аз маркази шаҳр мекананд. Он феълан дар осорхона низ ҷой дода нашудааст
  • Намояндагони ҷамъяти Сталинӣ ва Ҳизби комунистии Гурҷистон дар назди тандиси Сталин эътироз мекунанд, ки ҳукумат пайкараи бузуорги Сталинро ба ҷояш баргардонад
  • Ҳаводорони Сталин дар Горӣ
  • Тамошобини хона-музейи Иосиф Сталин
  • Даромадгоҳи асосии осорхонаи Сталин
© Sputnik / Igor Astakhov
Гористсихе - қалъа дар шаҳр

Горӣ - яке аз шаҳрҳои қадимтарини Гурҷистон аст. Минтақа ҳанӯз дар соли 1801 статуси шаҳрро гирифта буд. Аммо шаҳрро як зодааш - Иосиф Виссарионович Сталин ба тамоми дунё машҳур кард

Яке аз осорхонаҳои бузурги Сталин дар зодгоҳаш - шаҳри Гории Гурҷистон аст. Осорхона дар макрази шаҳр ҷойгир шуда, аз се шӯъба иборат аст.

Дар осорхона ашёи зиёде ба намоиш гузошта шудааст, ки ба Сталин тааллуқ доштанд.

Аз ҷумла қисме аз мебели кории вай ва тӯҳфаҳое, ки ба роҳбари Иттиҳоди Шӯравӣ дар давоми 29 сол (Сталин аз соли 1924 то 1953 роҳбари СССР буд - идора) ҳадяаш кардаанд, нигоҳ дода мешавад. Инчунин акс, ҳуҷҷат, маҷаллаву рӯзномаҳое, ки ба Сталин ё хонаводаи вай тааллуқ доштанд, ҷой дода шудаанд.

Дар даромадгоҳи осорхона хонае аст, ки дар он Сталин таваллуд шуда буду чор сол дар он зиндагӣ кардааст. Ҳамчунин дар осорхона вагони шахсии Иосиф ҷой гирифтааст. Онро рафиқ Сталин аз соли 1941 таҳти истифода қарор дода буд ва аз ҷумла ба Конфронсҳои Теҳрон ва Ялтинск бо вагони мазкур сафар кардааст.

Роҳи оҳани Қафқози Шимолӣ соли 1985 вагонро ба осорхона супорид.

Ҳамасола ҳазорҳо сайёҳон аз Горӣ дидан мекунанд. Дар шаҳр метавон ёдгориҳои зиёдеро бо намоди СССР ва акси Сталин дид.

Аксҳои бештар

Мавзӯъҳои асосӣ