Ҷавонтарин узви ҲХДТ роҳбари фраксияи парлумонӣ шуд

© SputnikПарлумони Тоҷикистон. Акс аз бойгонӣ
Парлумони Тоҷикистон. Акс аз бойгонӣ - Sputnik Тоҷикистон
Обуна шудан
Бахтовар Сафаров, ҷавонтарин вакили парлумон аз Ҳизби халқии демократии Тоҷикистон роҳбарии фраксияи ин ҳизбро бар дӯш гирифт.

ДУШАНБЕ, 13 апр — Sputnik. Бахтовар Сафаров, вакили ҷавон аз ноҳияи Бохтари вилояти Хатлон роҳбари фраксияи Ҳизби халқии демократии Тоҷикистон дар палатаи поёнии парлумон шудааст, хабар медиҳад сомонаи расмии парлумон.

Плакатҳои тарғиботии ҲХДТ. Акс аз бойгонӣ - Sputnik Тоҷикистон
Пешсафии номзадҳои ҲХДТ дар ҳавзаҳои интихоботӣ

Ин фраксияро рӯзи 13 апрел дар ҷаласаи шӯрои Маҷлиси намояндагон расман тасдиқ кардаанд.

Баъд аз ҲХДТ, бо панҷ намояндааш дар парлумон ҳизби аграрӣ ё кишоварзӣ имкони ташкили фраксияро дорад. Ҳизбҳои дигар, ба мисли ҳизби демократ ва сотсиалисту ислоҳоти иқтисодӣ бо доштани шумори ками курсӣ имкони таъсиси фраксияро надоранд.

Дар интихоботи парлумоние, ки 1 марти соли ҷорӣ барпо шуд, ҲХДТ шумори бештарини курсиҳоро ба даст овард. Ду ҳизби умдаи мухолифин — Ҳизби наҳзати исломии Тоҷикистон ва Ҳизби комунисти Тоҷикистон, ки дар парлумони гузашта 2 нафар намоянда доштанд, ин бор маҳрум шуданд.

Лентаи хабарҳо
0